Qazaqstandyq shpagashy Kırıll Prohodov Gonkongta ótip jatqan semserlesýden álem chempıonatynda úzdik on altylyqqa endi, dep habarlaıdy infohub.kz.
Besinshi jarys kúni jeke synda medal úshin áıelder sablá komandasynyń músheleri men qazaqstandyq shpagashylar kúresti. Erler shpaga komandasynan 19 jastaǵy Kırıll Prohodov eń alysqa ótti. Segiz úzdiktiń qataryna ený úshin qazaqstandyq sportshy árekettegi Azıa chempıony japonıalyq Masarý Iamadaǵa qarsy shyqty. Prohodov tabandy kúreste 11:15 esebimen jeńilip, 2026 jylǵy álem chempıonatynda 16 úzdiktiń qatarynda ónerin aıaqtady.
Jeke synda Rýslan Qurbanov, Erlik Sertaı jáne Vadım Sharlaımov ta ónerlerin aıaqtady. Áıelder sablásynda jarys basynda Aıgerim Sarybaı, Karına Dospaı jáne Anastasıa Gýlık jeńiliske ushyrady. Shpagashylar men sabláshylar komandalyq týrnırde de medal úshin kúsh synasady. Álem birinshiliginiń komandalyq jarysy 30 shildege deıin jalǵasady.