Qazaqstannyń úshinshi raketkasy Tımofeı Skatov portýgalıalyq Eshtorıldegi ATP 250 topyraq kortyndaǵy týrnırdegi ónerin aıaqtady, dep habarlaıdy infohub.kz saıty.
Álemdik reıtıńte 163-shi orynda turǵan sportshy negizgi torǵa «baqytty jeńilýshi» retinde ilikken. Ekinshi aınalymda onyń qarsylasy reseılik Andreı Rýblóv boldy — álemniń 14-shi raketkasy jáne týrnırdiń birinshi nómirli oıynshysy.
Mach nebári bir saǵatqa sozylyp, Skatovtyń oısyraı jeńilýimen aıaqtaldy — 1:6, 1:6. Qazaqstandyq oıyn barysynda bir eıs jasady, tórt qos qate jiberdi jáne eki breık-poınttyń bireýin iske asyrdy.
Osylaısha, Skatov Eshtorıldegi jarystan shyǵyp qaldy. Rýblóv shırek fınalda fransýz Lúka van Ashpen oınaıdy.