Japonıada ótip jatqan 2026 jylǵy HH jazǵy Azıa oıyndarynda erler arasyndaǵy trek velosportynan Qazaqstan quramasy tuǵyrdan bir qadam qalǵanda toqtady. Komandalyq qýǵyndaý jarysynda Ilá Karabýtov, Maksım Horoshavın, Ramıs Dinmuhametov jáne Dmıtrı Noskov quramyndaǵy kvartet qola júlde úshin Ońtústik Koreıa qarsylastaryna jol berip, tórtinshi orynmen márege keldi, dep habarlaıdy infohub.kz saıty.
Qazaqstandyqtar qashyqtyqtyń basym bóliginde alda kele jatty, alaıda sońǵy 500 metrde basymdyqtan aıyryldy. Tórt shaqyrymdy olar 3 mınýt 58,718 sekýndta júrip ótip, ońtústikkoreıalyq komandadan 2,785 sekýndqa qalyp qoıdy.
Komandalyq qýǵyndaý jarysynda altyndy Azıa rekordyn jańartqan Qytaı quramasy jeńip aldy — 3:47,621. Kúmis júlde trek ıeleri — japondyqtarǵa 3:49,005 nátıjesimen buıyrdy.
Sol kúni qazaqstandyq shabandozdar erler arasyndaǵy jeke sprıntte de synǵa tústi. Kırıll Kýrdıdı irikteýden senimdi ótip, shırek fınalǵa jetti — bul kezeńniń zaezderi beısenbige josparlanǵan. Danıar Shaıahmetov aldyn ala kezeńde 17-nátıje kórsetip, negizgi torǵa óte almady.