Japonıada ótip jatqan Azıa oıyndarynda Qazaqstannyń erler voleıbol quramasy sátsizdikter serıasyn toqtatty. Pákistan men Japonıadan jeńilgen soń qazaqstandyq sportshylar Ózbekstan komandasyn 3:1 (13:25, 25:22, 25:22, 25:17) esebimen utty, dep habarlaıdy infohub.kz saıty.
Medal múmkindiginen merziminen buryn aıyrylǵan kórshiler A tobyndaǵy úshinshi oryndy talastyrdy. Oıyn tartysty ári ymyrasyz ótti. Birinshi partıany taza utylǵan Sergeı Trıkoz shákirtteri ekinshi partıada namysyn qaırady. Aqyry óz kúshinde oınaı bastaǵan qazaqstandyqtar qatarynan eki partıanyń shıelenisti sońyn óz paıdasyna sheshti. Al tórtinshi sette qarsylasyn tize búktirdi.
Komandaǵa 10 upaıdy shabýylshy Asylhan İzbergenuly ákeldi, onyń áriptesi Vladıslav Mastıhınniń enshisinde 9 upaı bar.
Qazaqstan da, Ózbekstan da Azıadany 9-16-oryndar úshin machtarmen jalǵastyrady. Tobymyzdyń úzdik komandalary — Japonıa men Pákistan medal úshin kúresedi.
AZIA OIYNDARY-2026
Voleıbol. Erler
A toby
🏐 PÁKİSTAN – QAZAQSTAN 3:1, JAPONIA – ÓZBEKSTAN 3:0, PÁKİSTAN – ÓZBEKSTAN 3:0, JAPONIA – QAZAQSTAN 3:0, QAZAQSTAN – ÓZBEKSTAN 3:1
1. Japonıa – 6, 2. Pákistan – 6, 3. Qazaqstan – 3, 4. Ózbekstan – 0
V toby
🏐 IRAN – QYRǴYZSTAN 3:0, TAILAND – INDONEZIA 3:2, INDONEZIA – QYRǴYZSTAN 3:0, IRAN – TAILAND 3:0, QYRǴYZSTAN – TAILAND 0:3
1. Iran – 6, 2. Taıland – 5, 3. Indonezıa – 4, 4. Qyrǵyzstan – 0
S toby
🏐 KATAR – GONKONG 3:1, ÚNDİSTAN – VETNAM 3:0, ÚNDİSTAN – GONKONG 3:0, KATAR – VETNAM 3:0, GONKONG – VETNAM 1:3
1. Úndistan – 6, 2. Katar – 6, 3. Vetnam – 3, 4. Gonkong – 0
D toby
🏐 OŃTÚSTİK KOREIa – FILIPPIN 3:0, QYTAI – QYTAI TAIBEIİ 3:2, QYTAI – FILIPPIN 3:0, OŃTÚSTİK KOREIa – QYTAI TAIBEIİ 3:1
1. Ońtústik Koreıa – 6, 2. Qytaı – 5, 3. Qytaı Taıbeıi – 1, 4. Fılıppın – 0
Erler arasyndaǵy voleıbol týrnıri Azıadalarda 1958 jyldan beri ótkizilip keledi. Ony jıirek japondyqtar jeńip alǵan. Qazaqstan quramasy júldegerler qataryna eshqashan kirmegen.
XX Jazǵy Azıa oıyndary resmı túrde 19 qyrkúıekte ashyldy jáne 4 qazanda aıaqtalady. 45 eldiń sportshylary qatysatyn jarystarda 460 komplekt nagrada sarapqa salynýda. Azıada-2026-da Qazaqstan quramasynyń quramynda 35 sport túrinen 558 sportshy óner kórsetýde.
Oıyndardyń birinshi kúni qazaqstandyqtar tórt altyn medal jeńip aldy. Oıyndar chempıondary atanǵandar: veloshabandozdar Rınata Sultanova men Alekseı Lýsenko, sondaı-aq karateshiler Jolaman Bıgabyl men Sofá Berýlseva. Qurama qorjynyna besinshi altyndy MMA jekpe-jeginiń sheberi Erkinǵalı Búrkitalın qosty. Altynshysyn — aralas jekpe-jektegi komandalasy Qadyrbek Shynbaev. 23 qyrkúıekte Lýsenko AI-2026-nyń eki dúrkin chempıony atandy. Segizinshi joǵary synaqtaǵy medaldi 24 qyrkúıekte eskekshiler Vladıslav Iakovlev pen Ivan Chernýhın erler arasyndaǵy juptyq esý jarysynda jeńip aldy. Toǵyzynshy altyn medaldi bizdiń shpagashylar komandasy ıelendi.
Oıyndardyń toǵyz kúninen keıin Qazaqstan beıresmı medal esebinde besinshi orynda turdy.