Qazaqstannyń ıýnıorlardan quralǵan trıatlon komandasy Rýmynıanyń Izvoranı qalasynda ótken Eýropa Kýbogy kezeńiniń aralas estafetasynda kúmis júldege ıe boldy. Bul týraly infohub.kz habarlaıdy.
Quramynda Dıana Erjanova, Alýa Nurmuhamet, Álham Murat jáne Arsenı Shevchenko bolǵan komanda 01:34:56 nátıje kórsetti. Jeńisti Rýmynıa quramasy qanjyǵalady (01:34:31), úshinshi oryndy Túrkıa (01:35:42) ıelendi.
Buǵan deıin Dıana Erjanova jeke synda 00:35:41 nátıjemen elge altyn ákelgen edi. Ekinshi oryndy Rýmynıadan Týnde Krısan (00:35:48), úshinshini ıtalıalyq Elıs Ventre (00:35:50) aldy.
Ózge qazaqstandyq sportshylardan Alýa Nurmuhamet besinshi (00:36:03), Kalerıa Shnaıder altynshy (00:36:07), Aıda Kım toǵyzynshy (00:36:13) boldy.