Qazaqstannyń jastar fýtbol quramasy (U21) Eýropa chempıonatynyń 2027 jylǵy irikteýinde Irlandıadan syrt alańda utyldy. Kork qalasyndaǵy «Terners Kros» stadıonynda ótken D tobynyń machy 4:3 esebimen alań ıeleriniń paıdasyna aıaqtaldy, dep habarlaıdy infohub.kz saıty.
Jeńimpazdar sapynda qorǵaýshy Aleks Mórfı (21-mınýt), jartylaı qorǵaýshy Djeımı Mallınz (29-mınýt) jáne penaltıdi dál oryndaǵan shabýylshy Tomas Lonergan (86-mınýt) gol soqty.
Qazaqstan quramasynan shabýylshy Artóm Lıtosh (1-mınýt), qorǵaýshylar Ramazan Karımov (38-mınýt) jáne Sultan Asqarov (52-mınýt) kózge tústi. Taǵy bir qorǵaýshy Álı Turǵanov avtogolmen erekshelendi (48-mınýt).
Ekinshi taımǵa qosylǵan ýaqytta qonaqtar ekinshi sary qaǵaz alyp, alańnan qýylǵan Lıtoshtyń arqasynda azshylyqta qaldy.
Qazaqstan quramasy Eýro-2027 irikteýinde qatarynan tórtinshi ret jeńilis tapty. Tórt upaımen komanda topta sońǵy, altynshy orynda tur. İrikteý sıkliniń qorytyndy machyn ol 6 qazanda syrt alańda Moldovaǵa qarsy ótkizedi.
Irlandıalyqtar 17 upaımen ekinshi orynda keledi jáne kósh bastap turǵan Anglıany qýyp jetý múmkindigi joq.