2026 jyldyń birinshi toqsanynyń qorytyndysy boıynsha Qazaqstandaǵy jumyspen qamtylǵan halyq sany 9 mln 392 myń adamǵa jetti. Bul ótken jyldyń osy kezeńimen salystyrǵanda 108,5 myń adamǵa kóp. Bul týraly infohub.kz saıty habarlaıdy.
Eńbek naryǵynyń basty úrdisi – azamattardyń beıresmı jumyspen qamtýdan resmı sektorǵa aýysýy boldy. Eńbek sharty boıynsha jumys isteıtinder sany 150 myń adamǵa jýyq ósip, 7,14 mln-nan 7,29 mln-ǵa jetti. Ózin-ózi jumyspen qamtyǵandar sany 41 myńǵa qysqaryp, 2,14 mln-nan 2,1 mln adamǵa deıin tómendedi. Táýelsiz jumyskerler úlesi 357,2 myńnan 326,6 myń adamǵa azaıdy.
Eńbek mınıstrligi eńbek sharty boıynsha jumys isteıtinderdiń áleýmettik saqtandyrý, zeınetaqy aýdarymdary, aqyly demalys pen aýrý paraqtary sıaqty tolyq kepildikterge ıe bolatynyn atap ótti.
Eldegi jalpy jumyssyzdyq deńgeıi tómengi deńgeıde saqtalyp – 4,5% (446 myń adam), al jastar arasyndaǵy jumyssyzdyq kórsetkishi 3% boldy.
Memlekettik jumyspen qamtý baǵdarlamalary bul serpinge eleýli úles qosyp otyr. 2026 jylǵy 1 shildedegi jaǵdaı boıynsha memleket pen jumys berýshilerdiń kómegimen 249,5 myńnan astam adam jumys tapty, onyń 96,4 myńy turaqty jumys oryndaryna ornalasty.