2026 jyldyń basynda Qazaqstanda 60 jáne odan joǵary jastaǵy turǵyndardyń sany 2 923 472 adamǵa jetti. Bul el halqynyń 14,2%-yn quraıdy. Bul týraly Ulttyq statısıka búrosy habarlady, dep jazady infohub.kz saıty.
Egde jastaǵy azamattar arasynda áıelder erlerden aıtarlyqtaı kóp: áıelder sany 1 760 202 adam bolsa, erler 1 163 270 adamdy quraıdy.
60 jastan asqandar eń kóp turatyn óńir — Almaty: munda 328 385 adam bar. Odan keıin Túrkistan oblysy — 216 544 adam, Qaraǵandy oblysy — 212 487 adam, Almaty oblysy — 203 499 adam jáne Astana — 171 138 adam tur.
Zeınetkerlerdiń 1 894 268-i qalada, 1 029 204-i aýylda turady.
Sonymen qatar Ulttyq statısıka búrosynyń málimetinshe, elde 1 323 adam júz jáne odan asqan jasta.
2026 jyldyń ekinshi toqsanynda 60 jáne odan joǵary jastaǵy jumys isteıtin azamattardyń sany 465 302 adam boldy.
2025 jylǵy jaǵdaı boıynsha Qazaqstanda 2 415 095 zeınetaqy alýshy bolǵan.