Básekelestikti qorǵaý jáne damytý agenttigi (AZRK) kınoteatrlar qyzmetine ortaq talaptar engizýdi usyndy, dep habarlaıdy infohub.kz.
Vedomstvo mamandary kınoprokat salasyndaǵy 60-tan astam kompanıanyń jumysyn zerttedi. 2024 jyldyń 1 qańtarynan 2026 jyldyń 1 qańtaryna deıingi kezeńde naryq kólemi 76,2 mlrd teńgeni qurady. Taldaý barysynda básekelestiktiń damýyn tejeıtin júıeli kedergiler anyqtaldy. Atap aıtqanda, birqatar óńirde kınoprokat qyzmetin bir-aq nemese eki ǵana qatysýshy kórsetedi, bul básekelestiktiń shekteýli ekenin kórsetedi.
Negizgi problemalardyń biri — kınoteatrlar men dıstrıbútorlar arasyndaǵy ózara is-qımyldyń biryńǵaı erejeleriniń joqtyǵy. Fılmderdi kórsetý quqyǵyn berý sharttary kınoteatrlardyń repertýar qalyptastyrý múmkindigine jáne kórermenderdiń kınopremeralarǵa qol jetkizýine tikeleı áser etedi. Naryqta ashyq jáne kemsitýshiliksiz jaǵdaı jasaý úshin AZRK kınoprokat qyzmetin júzege asyrý erejelerin ázirleýdi, dıstrıbútorlar men kınoteatrlar arasyndaǵy úlgilik shartty bekitýdi, sondaı-aq naryq monıtorıńi tetikterin jetildirýdi usyndy.
Vedomstvo usynylǵan sharalardy iske asyrý naryq qatysýshylarynyń fılm kontentine teń qol jetkizýin qamtamasyz etýge, kınoteatrlar men dıstrıbútorlar arasyndaǵy ózara is-qımyldyń ashyqtyǵyn arttyrýǵa jáne kınoprokat salasynda adal básekelestikti odan ári damytýǵa jaǵdaı jasaýǵa múmkindik beredi dep senimdi.