Qazaqstanda jol jumystarynyń sapasyn tekserý qorytyndysy boıynsha 22 tehnıkalyq qadaǵalaý sarapshysy jumystan shyǵarylyp, jaýapty mamandarǵa jalpy somasy 53,4 mln teńge kóleminde aıyppul salyndy. Bul týraly infohub.kz saıty habarlaıdy.
«QazAvtoJol» ulttyq kompanıasy» aksıonerlik qoǵamynyń Telegram-arnasynda málim etkendeı, bıyl kompanıa mamandary oryndalyp jatqan jol jumystarynyń sapasyna 50-den astam tekserý júrgizdi. Nátıjesinde 1670 aqaý men buzýshylyq anyqtaldy.
«Anyqtalǵan aqaýlardyń qatarynda shuńqyrlar, jaryqtar, oıyqtar, asfáltbeton jabynnyń jyljýy, iz qalý jáne avtomobıl joldarynyń paıdalaný jaǵdaıyna áser etetin basqa da buzýshylyqtar bar. Búgingi tańda olardyń 831-i, ıaǵnı jalpy sanynyń 49,8%-y joıyldy. Qalǵan eskertýlerdi joıý jumystary jalǵasýda», — dedi kompanıada.
Árbir fakti boıynsha jaýapty tulǵalar anyqtalyp, tıisti sharalar qoldanylatyny atap ótildi. Osylaısha, jumys sapasyna tıisti baqylaý jasamaǵan tehnıkalyq qadaǵalaý mamandaryna jalpy somasy 53,4 mln teńge aıyppul salyndy. Sonymen qatar, 22 tehnıkalyq qadaǵalaý sarapshysy jumystan shyǵaryldy.
«QazAvtoJolda» aqaýdyń anyqtalýy ony qabyldaý degendi bildirmeıtinin atap ótti: merdiger uıymdarǵa eskertýlerdi joıý talaptary qoıylyp, jaýapty tulǵalarǵa kózdelgen sharalar qoldanylady.
Jol nysandaryn tekserý respýblıkalyq jeli boıynsha jalǵasatyny habarlandy.