Qazaqstan Respýblıkasy Ǵylym jáne joǵary bilim mınıstrligi tamyz aıyndaǵy Ulttyq biryńǵaı testileýden (UBT) 27 myńnan astam adam ótkenin habarlady. Ortasha bal 55 boldy, dep habarlaıdy infohub.kz.
Vedomstvonyń málimetinshe, shekti baldy talapkerlerdiń tek 53%-y jınaǵan, ıaǵnı 47%-y eń tómengi shekti deńgeıden óte almaǵan. Bes pán boıynsha ortasha bal 55, al eń joǵary nátıje — 136 bal boldy.
Tamyzdaǵy UBT-ǵa erekshe bilim berý qajettilikteri bar 98 talapker de qatysty.
Mınıstrlikte testileý kezeńinde ereje buzýdyń 66 jaǵdaıy anyqtalǵanyn atap ótti. Onyń ishinde smartfon, shpargalka jáne basqa da tyıym salynǵan zattardy ótkizýge tyrysqany úshin 30 talapker testileý múmkindiginen aıyryldy. Testileý kezinde ereje buzǵany úshin aýdıtorıadan 36 adam shyǵaryldy. Jalǵan adamdar anyqtalǵan joq.
UBT-2026 aıaqtalǵannan keıin beınejazbalarǵa taldaý kúntizbelik jyldyń 31 qazanyna deıin júrgiziletin bolady. Tyıym salynǵan zattardy paıdalaný nemese ereje buzý faktileri anyqtalǵan jaǵdaıda, UBT nátıjeleri joıylady.
Sonymen qatar, óz mamandyǵy boıynsha joǵary oqý ornynda aqyly negizde oqýdy jalǵastyrýdy josparlap otyrǵan kolej túlekteri áńgimelesý nátıjeleri boıynsha oqýǵa túse alady. Bul jaǵdaıda qabyldaý joǵary oqý oryndarynyń qabyldaý komısıalary arqyly júzege asyrylady.