1-10 tamyz aralyǵynda Ulttyq qaýipsizdik komıtetiniń shekara qyzmeti memlekettik shekara arqyly janar-jaǵarmaı materıaldaryn zańsyz shyǵarýdyń 411 áreketiniń jolyn kesti, dep habarlaıdy infohub.kz saıty.
Atalǵan kezeńde barlyǵy 551 buzýshylyq anyqtaldy, onyń ishinde halyq tutynatyn taýarlardy ótkizýge baılanysty 140 jaǵdaı bar. Zańsyz tasymaldanatyn taýarlar men júkterdiń jalpy quny 1 mlrd teńgeden asty.
«UQK shekara qyzmeti ótkizý pýnktterinde quqyqqa qarsy áreketterdi anyqtaý jáne jolyn kesý boıynsha turaqty jumys júrgizýde», — dep atap ótti UQK baspasóz qyzmetinde.
Kináliler Qazaqstannyń qoldanystaǵy zańnamasyna sáıkes jaýapkershilikke tartyldy. Shekara qyzmeti bul baǵyttaǵy jumys jalǵasyp jatqanyn atap ótti.
Eske salaıyq, shilde aıynda respýblıkanyń keden organdary janar-jaǵarmaı materıaldaryn zańsyz shyǵarýdyń 392 áreketiniń jolyn kesken bolatyn.
Buǵan deıin Qazaqstanda benzın baǵasynyń óskeni habarlanǵan. Sonymen qatar, Energetıka mınıstrligi elden benzın, dızel otyny jáne jekelegen munaı ónimderin shyǵarýǵa tyıym salýdy taǵy alty aıǵa uzartý týraly buıryq jobasyn daıyndady.
Munaı-gaz sektory, energetıka jáne tarıf saıasaty salasyndaǵy sarapshy Oljas Baıdildınov Qazaqstan ishki munaı ónimderi naryǵyna túsetin júktemeniń kúsheıýine aldyn ala daıyndalýy qajet dep sanaıdy.