Japonıanyń Aıtı-Nagoıa óńirinde ótip jatqan Azıa oıyndary-2026-da qazaqstandyq sportshy Seıilhan Bolatbek tuǵyrǵa kóterildi, dep habarlaıdy infohub.kz saıty.
21 jastaǵy djıtser 77 kelige deıingi salmaq dárejesinde synǵa tústi. Shırek fınalda ol jeńilis tapqanymen, jubatý aınalymy arqyly qola medal úshin beldesýge jol tartty.
Úshinshi oryn úshin talasta Bolatbektiń qarsylasy — fınalǵa shyǵýǵa bir qadam jetpeı qalǵan otandasy Adlan Madaev boldy. Eki qazaqstandyqtyń jekpe-jegi Bolatbektiń 2:0 esebimen jeńisimen aıaqtaldy — ol Azıa oıyndarynyń qola júldegeri atandy.
Jubatý aınalymynda Abdýlla Dabyl da (94 kelige deıingi salmaq dárejesi) synǵa tústi, biraq ol medal úshin beldesýge jete almady. Osy salmaqta Qazaqstannyń taǵy bir ókili Maksat Tólendi 1/8 fınal kezeńinde jarystan shyǵyp qaldy. Galına Dývanova (52 kelige deıin) alǵashqy beldesýinde-aq dıskvalıfıkasıa aldy.
Osylaısha, Qazaqstannyń jıý-jıtsý quramasynyń qorjynynda Azıada-2026-nyń úsh medali bar. Bir kún buryn Nurjan Batyrbekov (69 kelige deıin) kúmis, al Jibek Kúlúmbetova (48 kelige deıin) qola júlde jeńip alǵan bolatyn.