AQSH-tyń Iýdjın qalasynda (Oregon shtaty) ótip jatqan jeńil atletıkadan jastar arasyndaǵy álem chempıonatynyń (U20) úshinshi kúni qazaqstandyq sportshylar kedergili sprıntte jartylaı fınalǵa shyǵa almady, dep habarlaıdy infohub.kz.
Shymkenttik 19 jastaǵy Bogdan Goncharov qazaqstandyqtar arasynda alǵash ret álem chempıonatynda 110 metrge kedergimen júgirýde 14 sekýndtan jyldam nátıje kórsetip, 13,99 sekýndqa jetti. Alaıda bul kelesi kezeńge ótýge jetkiliksiz boldy: ol óz júgirisinde altynshy bolyp márege jetip, qajetti kórsetkishten 0,33 sekýndqa qalyp qoıdy.
Qyzdarǵa da 100 metrge kedergimen júgirýde sáttilik buıyrmady. Qaraǵandylyq 18 jastaǵy Alına Golovına qashyqtyqty 14,10 sekýndta aıaqtasa, onyń 19 jastaǵy komandalasy, Soltústik Qazaqstan oblysynan kelgen Antonına Chernyshova kedergiden ótý kezinde qulap, 17,98 sekýnd nátıjemen márege jetti. Eki sportshynyń da úzdik kórsetkishteri — tıisinshe 13,93 jáne 13,78 — ekinshi aınalymǵa ótýge múmkindik bermes edi, óıtkeni irikteý normatıvi 13,68 boldy.
Buǵan deıin álemdik jastar forýmynda irikteýden Kırıll Savchenko (400 metrge kedergimen), Sofá Kıdenko (400 metr) jáne Gleb Gladılov (úsh qarǵyp sekirý) de óte almaǵan bolatyn.
Chempıonattyń birinshi kúninde syryqpen sekirýshi Anna Cherkashına Qazaqstan úshin rekordtyq 4,10 metr bıiktikti baǵyndyryp, fınalǵa shyqty.
ÁCHM-2026-da Qazaqstan quramasy qatysý normatıvin oryndaǵan alty er jáne bes áıel sportshymen usynylǵan. Bul — 2008 jyly Polshanyń Bydgosh qalasynda ótken jastar arasyndaǵy álem chempıonatynan keıingi eń kóp quram (onda 12 sportshy bolǵan). Eki jyl buryn Perý astanasy Lımada bes sportshymyz bolsa, 2022 jyly Kolýmbıanyń Kalı qalasynda ótken álem chempıonatynda tórteýimiz boldy.
Qazaqstan jeńil atletıkadan jastar arasyndaǵy álem chempıonattarynda 1994 jyldan beri jeke komanda bolyp óner kórsetedi. Sodan beri sportshylarymyz birde-birin jiberip almaı, 16 ÁCHM-ge qatysty, alaıda áli kúnge deıin tuǵyrǵa kóterilgen joq.