Natýralızasıalanǵan kenıalyq Shadrak Koech 2 saǵat 14 mınýt 7 sekýnd nátıjesimen Japonıadaǵy Azıa oıyndary aıasyndaǵy marafon jarysynda 7-oryn aldy, dep habarlaıdy infohub.kz saıty.
Qazaqstandyq staıer jeńimpaz japondyq Ichıtaka Iamasıtadan tórt mınýtqa qalyp qoıdy. Eger Koech jeke rekordyna (2:04.04) jaqyn júgirse, altynǵa úmitker bola alar edi.
Ázirge Qazaqstannyń jeńil atletıka quramasy tek kúmis pen qola jınap júr. Shadrak ta osy júldelerge jete almady.
AZIA OIYNDARY-2026
26 qyrkúıek. Marafon. Erler
🥇 1. Ichıtaka IaMASITA (Japonıa) – 2:10.49
🥈 2. Sevan BARVAL (Úndistan) – 2:11.37
🥉 3. PEIÝ FEN (Qytaı) – 2:12.13
…7. Shadrak KOECh (Qazaqstan) – 2:14.07
Áıelder marafonyna qazaqstandyqtar qatyspady.
XX Jazǵy Azıa oıyndary resmı túrde 19 qyrkúıekte ashylyp, 4 qazanda aıaqtalady. 45 eldiń sportshylary qatysatyn jarystarda 460 komplekt júlde sarapqa salynýda. Azıada-2026-da Qazaqstan quramasynyń quramynda 35 sport túrinen 558 sportshy óner kórsetýde.
Oıyndardyń birinshi kúni qazaqstandyqtar tórt altyn medal jeńip aldy. Oıyndar chempıondary atanǵandar: veloshabandozdar Rınata Sýltanova men Alekseı Lýsenko, sondaı-aq karatıster Jolaman Bıgabyl men Sofá Berýlseva. Qurama qorjynyna besinshi altyndy MMA faıteri Erkinǵalı Búrkitalın qosty. Altynshyny – onyń aralas jekpe-jek komandasyndaǵy joldasy Qadyrbek Shynbaev. 23 qyrkúıekte Lýsenko AI-2026-nyń eki dúrkin chempıony atandy. Segizinshi joǵary synaqtaǵy medaldi 24 qyrkúıekte eskekshiler Vladıslav Iakovlev pen Ivan Chernýhın erler arasyndaǵy jup eskekti qaıyqtar jarysynda jeńip aldy.
Oıyndardyń alty kúninen keıin Qazaqstan beıresmı medal esebinde tórtinshi orynda turdy.