Qazaqstandyq kásipker, Cyber Temple geımdev-stýdıasynyń negizin qalaýshy Alekseı Nazarov óziniń oıynyn jasaýǵa 5 mıllıon dollar saldy. Bul joba eń kútiletin oıyndardyń qataryna endi, dep habarlaıdy infohub.kz saıty.
Nazarov Kursiv Talks podkastynyń jańa shyǵarylymyna qonaq boldy. Ol mansabyn fınteh salasynda bastaǵan. Alaıda jobasyn sátti satyp, aqshany azdap demalǵan soń stýdıa qurýǵa jáne onyń alǵashqy iri oıyny — city builder janryndaǵy Dark Switch-ke jumsady.
Podkast barysynda kásipker oıyn óndirisinde qandaı qıyndyqtar men táýekelder bar ekenin aıtty: komanda iske qosý kezinde baǵdarlamalyq qatelerdi qalaı ustady, oıyn ishindegi ekonomıkany, oıynnyń álemin jáne dızaın-kodyn qalaı ázirledi.
Sonymen qatar Nazarov qaýymdastyq pikirine qulaq asý nege mańyzdy ekenin, álemniń túkpir-túkpirindegi oıyn ázirleýshiler bir-birin qalaı qoldaıtynyn jáne Silent Hill atty kúlttik oıyndar serıasynyń arqasynda álemge tanylǵan japon kompozıtory ári dybys rejıseri Akıra Iamaokany jobaǵa qalaı tartqanyn egjeı-tegjeıli túsindirdi.
Talqylaýdyń jeke blogy aqshaǵa arnaldy. Oıyn ázirleý qansha turady? Salǵan qarajat qanshalyqty jyldam óteledi? Jáne Dark Switch nege «uzaq merzimdi oıyn»?
Osy suraqtardyń barlyǵyna Nazarov Kursiv Talks podkastynda jaýap berdi. Onyń tolyq nusqasyn Kursiv Media-nyń YouTube-arnasynan kórýge bolady.