Qazaqstan Syrtqy ister mınıstrligi bes jyl ishinde Ońtústik-Shyǵys Azıadan eńbek quldyǵynyń qurbany bolǵan 60-qa jýyq azamatty ákeldi. Bul týraly vedomstvonyń «Kýrsıv» basylymynyń saýalyna bergen jaýabynda aıtylǵan, dep habarlaıdy infohub.kz.
Qujatta atap ótilgendeı, qazaqstandyqtardy kóbinese Ońtústik-Shyǵys Azıanyń qylmystyq toptary uıymdastyratyn eńbek quldyǵyna tartady. Negizgi oshaqtar Mánma, Laos jáne Kambodjanyń jekelegen aýdandarynda ornalasqan. Al Taıland pen Vetnam tranzıttik elder retinde paıdalanylady.
«Osy oraıda mınıstrlik azamattarǵa shetelde jumysqa ornalasý týraly usynystardy muqıat tekserýdi, qujattardy úshinshi tulǵalarǵa bermeýdi jáne shetelge shyqqanda saqtyq sharalaryn saqtaýdy usynady», — dep atap ótti SİM.
Vedomstvo qazaqstandyqtar úshin asa qaýipti sheteldik memleketterdiń qara tizimin júrgizbeıdi. Onyń ornyna SİM azamattarǵa baratyn el týraly ózekti aqparatpen aldyn ala tanysýdy, jergilikti zańnama talaptaryn saqtaýdy jáne tótenshe jaǵdaı týyndaǵan jaǵdaıda Qazaqstannyń jaqyndaǵy sheteldik mekemesine dereý habarlasýdy usynady.
Buǵan deıin «Kýrsıv» basylymy Qazaqstanda kimder quldyqqa jıi túsetini jáne qandaı sebeptermen ekenin habarlaǵan bolatyn.