Jol boıynda tegin dárethana bolsa da, ony paıdalaný árdaıym kepildik emes. «QazAvtoJol» ulttyq kompanıasy júrgizýshiler men jolaýshylarǵa erekshe ótinishpen júgindi – respýblıkalyq trassalardaǵy sanıtarlyq toraptardyń ǵımarattarynyń artyna dáret jasaýdy toqtatýdy surady, dep habarlaıdy infohub.kz saıty.
Kompanıada túsindirgendeı, respýblıkalyq joldarda jyly jáne sýyq dárethanalar jumys isteıdi, olardy barlyq saıahatshylar tegin paıdalana alady. Alaıda keıbir nysandarda adamdar óz kezegin kútpeı, dárethana ǵımaratynyń artyna dáret jasaýdy jón kóredi. Osyǵan baılanysty aýmaq lastanyp, jaǵymsyz ıis, qoqys jáne antısanıtarıa paıda bolady.
«QazAvtoJolda» jol dárethanalary jalpy paıdalanýǵa arnalǵanyn eske salyp, qarapaıym erejelerdi saqtaýdy surady. Júrgizýshiler men jolaýshylardy azdap kútýge týra kelse de, sanıtarlyq toraptardy paıdalanýǵa, artyna qoqys pen dárethana qaǵazyn tastamaýǵa, múlikke uqypty qaraýǵa jáne tazalyqty saqtaıtyn qyzmetkerlerdiń eńbegin qurmetteýge shaqyrdy.
«Joldaǵy tazalyq árqaısymyzdan bastalady. Sanıtarlyq aımaqtardy jol qozǵalysynyń barlyq qatysýshylary úshin taza ári yńǵaıly etip saqtaıyq», – delingen úndeýde.