Ulttyq poshta operatory «Qazposhtanyń» 2026 jylǵy birinshi jartyjyldyqtaǵy zalaly eki ese ósip, 1,1 mlrd teńgeni qurady, dep habarlaıdy infohub.kz saıty. 2025 jyldyń sáıkes kezeńinde bul kórsetkish 529,8 mln teńge bolǵan edi.
Kompanıanyń 2026 jylǵy qańtar-maýsymdaǵy jıyntyq kirisi 1,3 mlrd teńgeni qurasa, bir jyl buryn 6 mlrd teńge bolǵan. Esepti kezeńdegi shyǵystar 2025 jyldyń birinshi jartyjyldyǵyndaǵy 6,56 mlrd teńgeden 2,8 mlrd teńgege deıin tómendedi.
2025 jyly «Qazposhtanyń» jalpy kirisi 2024 jylǵy 3,8 mlrd teńgemen salystyrǵanda 4,5 mlrd teńgeni qurasa, paıdasy tıisinshe 223,3 mln jáne 559,9 mln teńge boldy. 2025 jyly poshta qyzmetterinen túsken tabys 41,2 mlrd teńgege, qarjylyq qyzmetter men komısıalardan 21,7 mlrd teńgege, basqa operasıalyq qyzmetten 4,8 mlrd teńgege jetip, jalpy tabys 67,6 mlrd teńgeni qurady. Alaıda satý quny odan joǵary bolyp, 81,1 mlrd teńgeni qurady. Memlekettik sýbsıdıalar (aýyldyq jerlerdegi poshta qyzmeti dástúrli túrde shyǵyndy bolyp, memleket tarapynan sýbsıdıalanady) 9,6 mlrd teńgeni qurap, nátıjesinde teris tabys 4 mlrd teńge boldy. Kompanıa taza paıyzdyq kirister (8,5 mlrd teńge) jáne shetel valútasyn satyp alý-satýdan túsken taza tabys (2 mlrd teńge) esebinen oń kórsetkishke shyǵa aldy.
«Qazposhta» aksıalarynyń 100 paıyzy «Samuryq-Qazynaǵa» tıesili. Kompanıanyń negizgi qyzmeti — qarapaıym jáne ekspress-poshta, jóneltpelerdi qabyldaý, tasymaldaý jáne jetkizý, banktik qyzmetter kórsetý jáne baǵaly qaǵazdarmen operasıalar jasaý. Sondaı-aq «Qazposhta» gazet-jýrnaldardy jetkizý jáne jazylý boıynsha agent, sondaı-aq bankterdiń nesıe berý jáne óteý jónindegi agenti bolyp tabylady.
«Qazposhta» tolyq menshigindegi eki enshiles kompanıaǵa ıe: Germanıadaǵy Kazpost jáne Sıngapýrdaǵy QAZPOST PTE. LTD (kompanıa ataýlary túpnusqada keltirilgen). 2025 jylǵy esepte 2026 jylǵy qańtar-sáýirde «Qazposhta» AQSh Qarjy mınıstrliginiń halyqaralyq oblıgasıalaryn 252,3 mln dollarǵa satyp alǵany atap ótilgen.