«KEGOC» AQ basqarma tóraǵasy Nabı Aıtjanov kompanıanyń top-menedjmentine berilgen kóp mıllıondyq syıaqylarǵa qatysty pikir bildirip, sońǵy blekaýttar kezinde júıe «durys jumys istegenin», al 83 mln teńge kólemindegi bonýstar taza paıdanyń ósýimen tolyq negizdelgenin aıtty, dep habarlaıdy infohub.kz.
Úkimettegi brıfıńte Aıtjanov syıaqylarǵa jumsalǵan shyǵyndardyń qurylymyn túsindirdi: 587 mln teńge — bul barlyq qyzmetkerlerdiń, top-menedjment pen dırektorlar keńesi músheleriniń jalaqysyn qamtıtyn tólemder qory. Osy somadan basshylyqqa berilgen syıaqylar shamamen 83 mln teńgeni qurady.
Sonymen qatar, KEGOC basshysy óziniń jeke bonýsynyń mólsherin ataýdan bas tartty: «Taǵy da aıtamyn, meniń ony jarıa etýge quqyǵym joq», — dep jaýap berdi Aıtjanov jýrnalıserge. Ol sondaı-aq eldiń energojúıesi turaqty ekenin málimdedi.
«Bolǵan blekaýt... energojúıe tolyǵymen durys jumys istedi. Kóptegen adamdar bul suraqtardy qoıady, biraq meniń oıymsha, bul shyndyqqa sáıkes kelmeıtin jasandy suraqtar», — dep atap ótti ol.
Onyń aıtýynsha, syıaqy júıesi «Samuryq-Qazyna» qorynyń korporatıvtik standarttarymen retteledi jáne KPI oryndalýy negizinde dırektorlar keńesimen bekitiledi. Tabystylyqtyń basty krıterıi — aýdıtorlyq qarjylyq eseptilik.
Aıtjanov top-menedjmenttiń tıimdiliginiń qarjylyq kórsetkishterin keltirdi: 2023 jyly kompanıanyń taza paıdasy 43 mlrd teńgeni qurady. 2025 jylǵa qaraı, josparlar boıynsha, ol 77 mlrd teńgege deıin ósýi tıis.
«Iaǵnı, basqarma men dırektorlar keńesi aldaryna qoıylǵan qarjylyq mindetterdi tolyq oryndap otyr. Al biz syıaqy negizdelgen dep sanaımyz», — dep qorytyndylady KEGOC basqarma tóraǵasy.
Buǵan deıin «Kýrsıv» KASE derekterine súıene otyryp, 2025 jylǵa kompanıanyń atqarýshy organy músheleri 496,3 mln teńge (jalaqy jáne syıaqylar) alǵanyn jazǵan bolatyn. Syıaqy alǵandardyń naqty sany men jeke tólemderdiń mólsherin kompanıa sol kezde de ashpady.
KEGOC top-menedjmentine berilgen mıllıondyq tólemderge qatysty suraqtar 14 tamyzdaǵy aýqymdy blekaýttan keıin paıda boldy. Úsh elektr berý jelisiniń ajyraýy saldarynan Almaty men birqatar ońtústik óńir jaryqsyz qaldy. Bul rette energetıka mınıstri Erlan Aqkenjenov apattan keıin Qazaqstannyń energojúıesin jınaýǵa shamamen 2,5 saǵat jumsaǵan operatordyń jumysyn joǵary baǵalady.