Keleshegimiz kemel, bolashaǵymyz jarqyn bolsyn!

Qazaq atty halyqtyń kóshin jalǵaıtyn uly murasyn amanattap keleshekke aparatyn – ár kezeńniń óskeleń jas urpaǵy. Al onyń tárbıeli de tálimdi salaýatty da saýatty bolmaǵy - siz ben bizge baılanysty.
Qazirgi tańda Qazaqstandyq bilim berý júıesiniń álemdik bilim berý aıasynda pedagogtiń jeke tulǵa retindegi beınesi, pedagogtiń kásibı biliktiligi aıryqsha mánge ıe bolýda. Zaman talabyna saı bilim berý uıymdaryna joǵary bilikti, shyǵarmashylyqqa talpynatyn, ózin - ózi damyta biletin, óz kásibin jetik meńgergen bilimdi pedagogterdiń qajet ekeni anyq. Al pedagog óz bilimin biliktilikti arttyrý kýrstarynda shyńdaıdy. Qazirgi tańda «Órleý» BAUO» AQ fılıaldaryndaǵy ár biliktilikti arttyrý kýrstary óziniń taqyrybymen onda qarastyrylatyn jańa tehnologıalarymen erekshelenedi.
Elbasy N. Nazarbaevtyń qazaqstandyq pedagogterdiń kásibı damýy salasyndaǵy jańa kózqarasy olardyń biliktilik arttyrý júıesine oń ózgeristerdi engizýge múmkindik berip, túbegeıli jańǵyrýyn shyńdaı tústi. Qazirgi bilim berý júıesiniń maqsaty - básekege qabiletti maman daıyndaý.
Mektep – úıretetin orta, onyń júregi - muǵalim. İzdenimpaz muǵalimniń shyǵarmashylyǵyndaǵy erekshe tus - onyń sabaqty ádisterin túrlendirip, balanyń júregine jol taba bilýi. Ózgermeli qoǵamdaǵy jańa formasıa muǵalimi – pedagogıkalyq quraldardyń barlyǵyn meńgergen, turaqty ózin - ózi jetildirýge talpynǵan, rýhanı damyǵan, tolysqan shyǵarmashyl tulǵa quzyreti.
«Shaǵyn ortalyq jaǵdaıynda túrli jastaǵy balalar tobyn oqytý men tárbıeleýdi uıymdastyrýdy pedagogıkalyq - ádistemelik qoldaý» taqyrybyndaǵy biliktilikti arttyrý kýrsta oqytý barysynda kóptegen birshama maǵlumat, aqparat, jańa tehnologıalar, málimetter alyp, mol tájirıbe jınadym.
Osy aıtylǵandardy jınaqtaı kelip, biliktiligin jetildirip otyrý SHO tárbıeshisine refleksıaǵa qabiletti, óz isine esep bere alatyn, bilim berýdiń álemdik júıesin ıgergen, belsendi, saýatty, shyǵarmashyl tulǵa retinde qalyptastyratyny sózsiz. Pedagogter balalardyń boıyna ózin - ózi retteý daǵdylaryn qalyptastyrýǵa, túrli adamdarmen tıimdi dıalog júrgize alatyn, qazirgi zamanǵa tabysty ómir súrýge daıyn, sandyq tehnologıalarda quzyrlylyq tanytatyn belsendi azamat, bolashaq maman retinde qalyptasýǵa kómektesetin oqý úderisin uıymdastyrý úshin qajetti sapaly bilimmen jáne praktıkalyq daıyndyqpen qamtamasyz etýi qajet.
Qazirgi ýaqytta balany mektepke daıyndaý, belgili bir daǵdylardy ıgerýge beıimdeý zamanymyzdyń kókeıkesti máseleleriniń biri bolyp otyr. Mektepke deıingilerdiń óz - ózine qyzmet etý daǵdylaryn meńgerýi - ónegeli, jigerli, derbestik, jáne tabandylyq sıaqty qasıetterin tárbıeleýdiń tıimdi joly. Búgingi muǵalimniń eńbegi, tynymsyz izdenýdi, úzdiksiz kásibı damýdy talap etedi. Qoǵamnyń suranysyna laıyqty muǵalim bolyp, sińirgen bilimin bolashaqta qoldana alatyn tulǵany qalyptastyraıyq!
Keleshegimiz kemel, bolashaǵymyz jarqyn bolsyn!

Aqtoǵaı aýdany, Shabanbaı bı aýyly,
Á. Ermekov atyndaǵy JBBOM
Ahmet Ardagýl Bazylkárimqyzy