Synyp saǵaty 3 - synyp
Taqyryby: Kelisim túbi - jarastyq
Maqsaty: «Dostyq», «syılastyq» adamgershilik qundylyqtary týraly túsinikterin keńeıtý.
Mindetteri:
1. Kelisim, jarastyq týraly túsinik berý;
2. Dostyqqa beıimdilik sapalaryn damytý;
3. Ózara tatýlyqqa, shydamdylyqqa tárbıeleý.
Kórnekiligi: ınteraktıvti taqta
Júrý barysy:
İ. Shattyq sheńberi
Oqýshylar sheńberge turyp, «Dostyq» ánin shyrqaıdy.
- Búgin qandaı taqyrypta áńgimelesemiz dep oılaısyńdar?

İİ. Jaǵdaıattarmen jumys
1. Tilek Bekarysty baıqamaı qaǵyp ketti....
2. Abzal men Ǵazız oıynshyqqa talasyp qaldy...
3. Tar kópir ústinde eki laq kezdesip qaldy...
Osyndaı jaǵdaılarda ózara túsinisý úshin ne isteýge bolady?

İİİ. Mátinmen jumys.
«Pil men Maımyl» ertegisin tyńdatý.
• Pil men Maımyl ortaq kelisimge qalaı qol jetkizdi?
• Ózara til tabysý qandaı sezimderge bóleıdi?
• Qandaı kóńil kúıde bolasyńdar?

IV. Jattyǵý «Dostyq nury»
- Balalar arasynda renjisken sátterińde bir - birińdi túsinbeı qalyp, sol ýaqytta kelisimge kelgisi kelmese de ýaqyt ótken soń túsinip, ókinip jatatyndar bolady. Al biz sondaı kóńilsiz sátterdi boldyrmaý úshin bir - birimizdi túsinýge tyrysamyz, túsiný úshin qandaı qarym - qatynasta bolý kerektigin bilemiz. Qazir men taqtaǵa dostyqtyń shapaǵyn ilemin. Bul shapaqtan jan - jaqqa shýaq shashylýy úshin berilgen sózderdi ashyp oqyp,»nur taratamyz». Ár qaǵazda shydamdylyq, tatýlyq, birlik, kelisim, syılastyq,
jarastyq, dostyq dep jazylǵan. Balalar árbir qaǵaz oramyn ashyp, ishinde jazylǵan sózdi oqıdy, taqtaǵa japsyrady. Sonda taqtada shýaq shashqan kún paıda bolady.
- Minekı, balalar, osy qasıetter boıymyzda bolsa, atalǵan áreketterdi jasaı alsaq, bir - birimizben kelisip, jarastyqta bola alamyz.

V. Dáptermen jumys.
- Balalar, dápterimizge ózimizdiń dostarymyzǵa arnap «Dostyq hatymyzdy» jazaıyq.
Oqýshylar jazǵan hattaryn oqydy.

Vİ. Qorytyndy
- Berilgen oılardyń qaısysymen kelisesińder?
• Synypta tatý bolý.
• Sabaqty jaqsy oqý.
• Bir - birin tyńdamaý.
• Muǵalimdi syılaý.
• Synyptaǵy zattardy kútý.
• Kelisken ýaqyttan keshigý.

Nazar aýdaraıyq
Kelisim:
• Basqalarmen jaqsy qarym - qatynas jasaýǵa kómektesedi;
• Adamdardy bir - birin jete tanı bilýge úıretedi;
• Basqalardyń kóńil - kúıin sezine bilýge úıretedi;
Vİİ. Júrekten júrekke
Sheńberge turyp, oqýshylar «İzgi tilek» óleńin aıtady.