Кенияда Конго Демократиялық Республикасынан әкелінген Эбола вирусының алғашқы расталған жағдайы тіркелді. Денсаулық сақтау министрі Аден Дуаленің айтуынша, науқас — Конгода тұрып, сенбі күні Найробиге келген Кения азаматы. Науқас қайтыс болды, деп хабарлайды infohub.kz сайты.
Дуале баспасөз мәслихатында 28 адаммен байланыс анықталғанын мәлімдеді. Олардың қатарында отбасы мүшелері мен медицина қызметкерлері бар.
Конго Демократиялық Республикасы тарихындағы ең ауқымды Эбола індетімен күресіп жатыр. Бұл індет сирек кездесетін Бундибугьо түрінен туындаған. Індет мамыр айының ортасында жарияланғанымен, ол бірнеше ай бұрын басталуы мүмкін. Әзірге індетті тежеу шаралары нәтиже бермей тұр: Орталық Африка елінде 8 мыңнан астам жағдай тіркеліп, 4 мыңнан астам адам қайтыс болды.
Індет Угандаға да таралып, онда 20 жағдай мен екі өлім тіркелді. Алайда Дүниежүзілік денсаулық сақтау ұйымы тамыз айында Уганданы індеттен азат деп жариялады.
Эбола вирусы жұқтырған адамның тірі немесе өлі денесінің сұйықтықтарымен тікелей байланыс арқылы таралады. Ол қызба, құсу, іш өтуді тудырып, ауыр жағдайларда ішкі және сыртқы қан кетуге әкелуі мүмкін.