Kenıanyń Amboselı ulttyq saıabaǵynda sońǵy bir aı ishinde 15 pil kenetten ólip, tergeý júrip jatyr. Bul týraly Kenıa jabaıy tabıǵat qyzmeti habarlady. Ólgen pilderdiń 10-y eki kún ishinde jartylaı sal bolyp, sodan keıin opat bolǵan. Qalǵan bes pildiń ólekseleri shirip nemese jyrtqyshtar jep ketkendikten, ólim sebebin anyqtaý múmkin bolmady. Zardap shekken pilderdiń kóbi urǵashy jáne olardyń tólderi ekeni anyqtaldy, bir ǵana erkek pil ólgen.
Ólimder saıabaqty qorshap jatqan Kımana qoryǵy men Kýký rancho aýmaǵynda tirkelgen. Buǵan deıin Kenıada brakonerlik nemese adam men jabaıy tabıǵat arasyndaǵy qaqtyǵys saldarynan pilderdiń ýlaný oqıǵalary bolǵan. Naırobı ýnıversıtetiniń zerthanasynda pilderden alynǵan úlgilerdi aldyn ala tekserý kezinde «potensıaldy ýly zat» tabylsa, memlekettik zerthananyń synaqtary synalǵan ýlarǵa teris nátıje bergen.
Qyzmet qosymsha synaqtar júrgizilip jatqanyn málimdedi. «Qorshaǵan ortany tekserý jumystary da júrgizilýde. Atap aıtqanda, zardap shekken aımaqtardaǵy sý kózderi men basqa da yqtımal lastaýshy zattarǵa taldaý jasalyp, pilderdiń ortaq kózden áser alǵan-almaǵany anyqtalady», – delingen vedomstvonyń málimdemesinde. Bılik jurtshylyqty sendirip, bul jaǵdaıdyń adamǵa juǵatyny týraly dálel joq ekenin aıtty.
Amboselı álemge pilderi men savannalyq landshafttarymen tanymal, bul jerden Kılımandjaro taýy kórinedi. Saıabaqta shamamen 2000 pil mekendeıdi. Bul týraly infohub.kz saıty habarlaıdy.