Bir jumys bastaý nemese bir kýrsqa qatysý sekildi jańa nárse jasamaq bolǵan kezde, «bul isińniń keleshegi joq», «munyńnan túk shyqpaıdy», «isteıtin basqa tirligiń joq pa?» deıtin adamdar tabylady. Oı-pikirińizdi, josparyńyzdy bar-yntańyzben aıtqanyńyzda basyn shaıqap bolymsyz jaýap aıtyp, bir-eki sózben úmitińdi sóndirip, ynta-jigerińdi sý sepkendeı basatyndar bar. «Jaqsy bir bıznes joba ázirledim» degende «Óı, bul istiń alpaýyttary saǵan nan jegizbes», «Dúken ashsam, saýdamen aınalyssam dep edim» – «Qazir daǵdarys, bir-eki aıda taqyrǵa otyrasyń», «Memlekettik qyzmetke baramyn» – «Joǵaryda kókeń bolmasa óspeısiń»... degen sıaqty keritartpa pikirler adamdarda daıyn turady.
Ómirde mundaı keri tarpa áńgimeler bolatyny qalypty nárse. Mańyzdy bolǵany barlyq qaýip-qaterdi eskere otyryp, senimdi, batyl áreket etý jáne bolymsyz áńgimelerdi elemeý.
Tómende tarıhtaǵy elenbeı qalǵan keritartpa pikirlerden birneshe mysal:
● «Jylqy árdaıym qoldanysta bolady. Avtokólik jaı ótkinshi moda.» Genrı Fordtyń kredıt surap barǵandaǵy bank dırektorynyń jaýaby. (1903 j.)
● «Óte ádemi ónertabysqa uqsaıdy, biraq muny kim, ne úshin qoldanýy múmkin?» Raterford Bórchard Heıs – AQSh prezıdenti 1876 jyly alǵash ret telefondy kórgen kezindegi aıtqan pikiri.
● «Radıonyń keleshegi joq» Lord Kelvın Shotlandıalyq fızık ǵalym.
● «Ártisterdiń daýsyn kim estigisi keledi deısiń?» Fılm ındýstrıasynyń jetekshisi Garrı Ýornerdiń jańa tabylǵan dybysty fılm týrasyndaǵy pikiri. (1927 j.)
● «Internet 1996 jyly tolyǵymen quldyraıdy.» Internetti ashqandardyń biri Robert Metkalf. (1900 j.)
● «Teledıdar 6 aı ishinde naryqtan joıylady. Adamdar kúnde keshkisin mundaı qorapqa qarap otyrýdy qalamaıdy.» Derrıl Zanýk “Twentieth Century Fox” negzin qalaýshysy. 1944 j.