«Kıetin jeri joq» keshteriniń trendi Qazaqstanǵa da keldi, dep habarlaıdy infohub.kz.
Mundaı sharalar Instagram jáne TikTok jelilerindegi ıronıalyq vıdeolardan bastaý alǵan: paıdalanýshylar aldymen kúndelikti kıimderin kórsetip, sodan keıin erekshe nemese óte sándi kıimderin kórsetedi. Sol kıimdi «serýendetý» úshin aılar boıy kútýge týra keletin arnaıy oqıǵa qajet.
Shamamen 2024–2025 jyldary mundaı «sán kórsetilimderi» oflaınǵa kóshti. Naryq beıimdeldi: AQSH-ta qoldan jasalǵan buıymdar satatyn Etsy platformasynda «Nowhere to wear it party» (Kıetin jeri joq kesh) shaqyrýlary paıda boldy.
Áleýmettik jelilerde qazaqstandyqtar osyndaı keshten vıdeo jarıalady. Onda bozbalalar men boıjetkender úı esigin saltanatty túrde ashyp, úılený kóılekterimen, jumys kombınezonymen, tipti áskerı formamen sherý jasaıdy. Pikirlerde paıdalanýshylar bul formatty joǵary baǵalady.
«Maǵan dereý osyndaı kesh uıymdastyrý kerek», «Sizge qosylýǵa bola ma? Meniń ondaı kıimderim jetip-artylady», «Shkafymdy ashtym, jarty shkaf kıimniń kıetin jeri joq. Múmkin men barlyq ábildeýilderimdi kıip, oramjapyraqsha keler em», – dep jazdy qazaqstandyqtar.
Buǵan deıin Kursiv LifeStyle zýmerler men mıllıenıaldar arasyndaǵy taǵy bir trend – kúndelikti istermen aınalysatyn «eresekter» keshteri týraly jazǵan bolatyn.