Taqyryby: Kishkentaı arý - 2013
Maqsaty: Synyp qyzdary arasynda kishkentaı arýlardyń ózin - ózin tanystyra bilýge, ónerlerin kórsete otyryp, ulttyq ónerdi úıretý.
Ádeptilikke, sypaıylyqqa, sulýlyqqa, kishipeıildilikke, ónerge umtylǵan qyz balalardy tárbıeleý.
Kórnekiligi: gúlder, magnıtofon, naqyl sózder, ınteraktıvti taqta.
Jospary:
1. «Men qazaqtyń qyzymyn» (tanystyrý)
2. Bilim men dástúr (suraq - jaýap)
3. «Sheberdiń qoly ortaq» (gúl qıyp japsyrý)
4. «Ónerlige óris keń» (óner saıysy: án, bı, kúı, óleń oqý)
6. Sán úlgisin kórsetý
Muǵalim sózi:
Ana deımiz bárimizde ańqyldap,
Ana deıdi jas sábıde jarqyldap.
Ana degen - báıteregi ómirdiń,
Ana degen - altyn qazyq, altyn baq - deı kele, qurmetti analar, ustazdar, kishkentaı qulpyrǵan qyzdar sizderdi 8 - naýryz merekelerińizben quttyqtaımyn.
8 - naýryz merekesine oraı tobymyzda qyzdar arasynda «Kishkentaı arý - 2013» atty saıysyn ótkizgeli otyrmyz.
Júrgizýshi: Qaıyrly kún, qonaqtar! «Kishkentaı arý - 2013» atty saıysyna qosh keldińizder. Mine, taǵy da kóktemniń alǵashqy kúnderimen keletin
8 - naýryz - Halyqaralyq áıelder kúni merekesimen quttyqtaımyn. Denderińizge saýlyq, otbasylaryńyzǵa bereke, birlik tileımiz.
Elaman:
Sizderden ósken balalar,
Batyrlar men danalar.
Quttyqtaımyz meırammen,
Qurmetti bizdiń ustazdar.

Baqbergen:
Toı - toılap dala men qalalarym,
Merekeń qutty bolsyn analarym.
Qarakóz qyz, abzal ana merekesin,
Quttyqtap jatyr mine balalaryń.

Júrgizýshi:
Endeshe osy baıqaýǵa qatysatyn qyzdarymyzdy ortaǵa shaqyraıyq.
Jaqsy adam kimge bolsyn bolar pana,
Mol onyń tal boıynda aqyl, sana.
Kórkine aqyly da saı keletin
Birinshi kele jatqan - bizdiń Aısha.

Júrgizýshi:
Shyǵady myń buralyp Nazar bıshi,
Ónerdi Nazar súıgen báriń súıshi.
Qyzdary bizdiń toptyń bári ónerli,
Shyǵady arasynan ánshi, kúıshi.

Júrgizýshi:
Qyzdardyń bári sulý salsań nazar,
Bári de armanyna qolyn sozar.
Armanyń oryndalsyn Merýert qyz,
Buıyrtsa baqyt qusy saǵan qonar.

Júrgizýshi:
Sabyrly, ári salmaqty,
Ózi ónerli jan - jaqty.
Kele jatqan Arýdy,
Jarysty búgin jalǵapty.

Júrgizýshi:
Arýlar kelip jetti tanysýǵa,
Sypyrdy tomaǵasyn osy duǵa.
Qyzyp kelgen qyrandaı keriltedi,
Ádeppen, izetpen tanysýǵa.

Baıqaýdyń jospary men qazylar alqasy tanystyrylady.
1 - bólim «Men - qazaqtyń qyzymyn» (Árbir qyz ózderin tanystyryp shyǵady)
2 - bólim: «Bilim men dástúr» (suraq - jaýap)
Júrgizýshi:
Jas arý - jas ǵumyrdyń talǵamysyń,
Qýantqan árbir úıdiń armanysyń.
Dál búgin qanat qaǵyp synalarda,
San suraqtan súrinbeı samǵap ushqyn,- deı kele suraq - jaýap bólimine shaqyramyn. Konvertte jasyrylǵan suraqtardy alyp kezekpen jaýap beresizder.
Suraqtar: 1. Júnnen jasalatyn buıym. (Kıiz)
2. Túıeniń súti. (Shubat)
3. Sándik buıym jasaıtyn adam. (Zerger)
4. Ulys kúni jasalatyn taǵam. (Naýryz kóje)
5. Qysta jeıtin maldyń etin ne dep ataıdy? (Soǵym)
6. Qazaq qyzdarynyń bas kıimi. (Sáýkele)
8. Eń qurmetti, janashyr adam. (Ana)
9. Anaǵa baılanysty maqal - mátel aıtyp ber.
10. Qazaq halqynyń ulttyq oıyndary. (Kúres, aýdaryspaq, báıge, teńge alý)
3 - bólim: «Sheberdiń qoly ortaq»
Júrgizýshi:
Sheberlerim óner tamyp qolynan,
Jańylmaǵan ata - baba jolynan.
Sheber qoldar óz ónerin kórsetsin,
Biz aıtaıyq tóreligin sońynan.
Kezekti gúl qıyp japsyrý saıysyna beremiz. Qyzdarymyz tapsyrma oryndap bolǵansha synyptyń bıshi uldary «Qara jorǵa» bıin bılep bersin.
4 - bólim: «Ónerlige óris keń»
Júrgizýshi:
Daýsyń qandaı syrly edi,
Tabıǵatty tyńdatqan
Kórkiń qandaı nurly,
Tań sholpan men astasqan.
Ónerińdi qane búgin kórsetshi,
Myna jurtqa qoshemettep qol soqqan,- deı kele arýlardy óz ónerlerin kórsetýge shaqyramyz.

7 - bólim: Sán úlgisin kórsetý.

Júrgizýshi:
Qyz emes qyzdyń aty qyzyl altyn,
Kóriner tolǵan aıdaı júzi jarqyn.
Úlkenniń aldyn orap sóz sóılemes,
Halqynyń saqtaı bilgen izgi sánin,- deı kele arýlarymyz sán úlgilerin kórsetedi.
Nurasyl:
Jas arý alynbaǵan asýlarsyń,
Búgingi merekede tasýdasyń.
Halqymyzdyń árqashanda úlgisi bop,
Kúsh - qaıratyń árqashan tasqyndasyn.

Júrgizýshi:
Ónermen órge júzip sharyqtadyń,
Maqsatyńdy talappen anyqtadyń.
San qyrly taza gaýhar sekildenip,
Qýantady ózińdi tanytqanyń.
Sóz kezegin ádil qazylar alqasyna usynamyz. Saıysqa qatysqan arýlar marapattalady.
1. «Kishkentaı arý - 2013»
2. Ónerli arý
3. Sheber arý
4. Bıshi arý.
«Júzden júırik, myńnan tulpar» - dep, arýlarymyzdy jeńisterimen quttyqtap, qoshemettep shyǵaryp salaıyq.