Aıtaıyn bir tentektiń áńgimesin,
Demender:
«Sóz ǵyp jazǵan munyń nesin?»
Esi aýys kóre salyp, qýalady
Óziniń ustaımyn dep kóleńkesin.
Bul qýsa, kóleńkesi alystady,
Júgirse, júıriktigi qalyspady.
Qatty da, jaı da qýdy - ustatpady,
Bolǵansha bar ónerin qaryshtady.
Tentektiń bir mezgilde kirdi esi:
«Áýre bop qýyp, maǵan qajet nesi?»
Osylaı oılap, qaıta júrip edi,
Artynan qýdy endi kóleńkesi.

* * *
Keıbireý Qydyr daryp, qarasa baq,
Beıne bir osy aıtylǵan kóleńke naq.
Qaırylmaı, qaraǵanda, baq-dáýletke,
Artynan qýalaıdy qaıtaryp ap.

---