Qytaı tarıhynda alǵash ret Marstan topyraq úlgilerin Jerge jetkizýge daıyndalýda. Buǵan deıin elde Qyzyl planetadan ákelingen materıaldardy yqtımal bıologıalyq qaýipke tekseretin arnaıy zerthana salynady, dep habarlaıdy infohub.kz saıty.
Zerthana Hefeıdegi tereń ǵarysh ǵylymı qalashyǵynda ornalasady. Ol «eki jaqty qorǵanys» qaǵıdaty boıynsha jumys isteıdi: mars úlgileriniń jer mıkroorganızmderimen lastanýyn boldyrmaıdy jáne Jer bıosferasyna yqtımal qaýipterdi joıady. Keshende jetkizilgen topyraq zararsyzdandyrylyp, ashylyp, zertteledi, sondaı-aq onyń bıologıalyq qaýipsizdigi baǵalanady.
Tianwen-3 mısıasyn shamamen 2028 jyly ushyrý josparlanǵan, al úlgilerdiń Jerge qaıtarylýy 2031 jylǵa kútilýde. Alys ǵaryshty zertteý zerthanasynyń strategıalyq josparlaý departamentiniń dırektory Lı Hannyń aıtýynsha, Qytaı Marstyń jer aǵzalarymen lastanýyn boldyrmaý jáne Jerge yqtımal qaýiptiń aldyn alý úshin planetarlyq qorǵanystyń halyqaralyq standarttaryn qatań saqtaýǵa nıetti.
Jańa baǵdarlama 2021 jyly Marsqa sátti qonǵan Zhurong marsohody bastaǵan zertteýlerdi jalǵastyrady. Bir jyl jumys isteý barysynda apparat eki shaqyrymǵa jýyq jol júrip, mars topyraǵyn jetkizý mısıasyn daıyndaýǵa kómektesetin qundy ǵylymı derekter jınady.