Qazaqstanda «Jyldyń 10 oqyrmany» respýblıkalyq kitap marafony bastaldy. Jeńimpazdardyń árqaısysy 10 mln teńgeden alady, dep habarlaıdy infohub.kz saıty.
Qazaqstan Respýblıkasy Mádenıet jáne aqparat mınıstrliginiń málimetinshe, qatysýshylar óz sanatyna arnalǵan tizimdegi 15 shyǵarmany oqyp, sodan keıin irikteýden ótýi kerek. Jeńimpazdardyń esimi 2027 jyldyń kókteminde belgili bolady.
Jobaǵa qatysý tegin. Uıymdastyrýshylar 345 shyǵarmadan turatyn tizim daıyndap, qatysýshylardy jeti sanatqa bóldi: oqýshylar, kolej stýdentteri, joǵary oqý oryndarynyń stýdentteri, pedagogter, úsh urpaqtan turatyn otbasylyq áýletter, memlekettik qyzmetshiler jáne ózge de azamattar. Saıası jáne zıatkerlik qaýym ókilderi úshin «Parasat» atty jeke baǵyt qarastyrylǵan.
Marafon 2027 jyldyń naýryzyna deıin jalǵasyp, 195 aýdan men 87 qalany qamtıdy. Aımaqtyq irikteýden keıin shamamen 4 myń júldeger anyqtalady, olardyń ishinen 20 óńirden 200 adam respýblıkalyq fınalǵa shyǵady.
Fınalısterge betpe-bet áńgimelesý men kópshilik aldynda sóıleý synaǵy kútip tur. Olar oqyǵan kitaptaryn biletinin jáne ádebıetti taldaı alatynyn kórsetýi tıis. Komısıa on jeńimpazdy tańdap, árqaısysyna «Jyl oqyrmany» ataǵyn berip, 10 mln teńge kóleminde syıaqy tapsyrady.
Marapattaý rásimi 2027 jyldyń 23 sáýirinde, Ulttyq kitap kúni ótedi. Ótken jyly marafon úsh óńirde pılottyq formatta ótkizilgen. Mınıstrliktiń dereginshe, oǵan sol kezde shamamen 190 myń adam qatysqan.
Buǵan deıin «Kýrsıv» qazaqstandyqtar kitap oqyp, 600 myń teńge taba alatynyn jazǵan edi.