Amerıka Qurama Shtattarynyń burynǵy memlekettik hatshysy Hılları Klınton Vashıngtonnyń ishki jáne syrtqy saıasatyn qatty synǵa alyp, el endi naqty oıynshy bolýdan qaldy, tek halyqaralyq arenada másele týǵyzyp otyr dep málimdedi, dep habarlaıdy infohub.kz saıty.
Klıntonnyń aıtýynsha, amerıkalyq bılik basqa memlekettermen qarym-qatynasqa keri áser etetin ustanymdarǵa kóshken. «Qarańyzdar, qazir biz naqty el emespiz. Biz qaýipti elmiz. Túrli másele týǵyzyp otyrmyz. Álemdik arenada kúlkili ustanymdarǵa baryp júrmiz», — dedi ol.
Óz kezinde Donald Trampqa saılaýda jeńilip qalǵan Klınton AQSh eń jaqyn dostarymen jáne kórshilerimen janjaldasatyn deńgeıge jetkenin atap ótti. «Sonymen qatar bizge jamandyq tilegenderge jeńildik jasaımyz. Iaǵnı, biz naqty el emespiz, naqty basshylyǵymyz da joq», — dep qosty ol.
Bul málimdemeler Kongrestegi aralyq saılaý qarsańynda Demokratıalyq partıanyń «elıtasy» men «zeınetkerleriniń» aıtarlyqtaı belsendilik tanytýy aıasynda aıtyldy. Jýyrda «shań basqan sandyqtan» Kamala Harrısti shyǵaryp aldy. Ol otynnyń jańa baǵasy jazylǵan janarmaı quıý beketiniń taqtasy aıasynda Tramp pen respýblıkashyldardy synady. Onyń aıtýynsha, Tramp bastaǵan soǵys saldarynan amerıkandyqtar ár kólik quıýǵa 15 dollar artyq tólep otyr.
Eske salaıyq, jaqynda amerıkandyqtar jańa Kongresin saılaıdy. Ázirge saýalnamalar demokrattardyń alda kele jatqanyn kórsetip otyr. Al Tramp saılaýda Respýblıkalyq partıa jeńiske jetse, AQSH-tyń árbir kámeletke tolǵan azamatyna 5 myń dollardan beremin dep ýáde etti.