Soltústik Koreıa AQSh, Japonıa jáne Ońtústik Koreıanyń Koreı túbegin denýklearızasıalaý týraly birlesken málimdemesin aıyptap, óziniń ıadrolyq mártebesi myzǵymas kúıde qalatynyn eskertti, dep habarlaıdy infohub.kz saıty.
Bul týraly KHDR Syrtqy ister mınıstri Chhve Son Hı málimdeme jasady. Onyń sózderi AQSh, Ońtústik Koreıa jáne Japonıa KHDR-dy denýklearızasıalaýǵa jáne onyń zymyran-ádrolyq baǵdarlamalaryn qarjylandyrý kózderin joıýǵa beıildilik tanytqan tusta aıtyldy.
«AQSh pen onyń odaqtastary „denýklearızasıany“ neǵurlym qatty talap etken saıyn, bizdiń memleket úshin ıadrolyq qarýǵa ıe bolýdyń zańdylyǵy jáne ony nyǵaıtý qajettiligi soǵurlym berik bola túsedi», — dedi mınıstr.
KHDR-da ıadrolyq qarýǵa ıe bolý el egemendigin qorǵaýdyń eń joǵary kepili dep sanaıdy.
Aıta keteıik, jaqynda KHDR Qorǵanys mınıstrligi AQSh pen Ońtústik Koreıanyń qaýip-qaterlerine jaýap retinde «memlekettik ıadrolyq qarýly kúshter saıasaty týraly zańnyń babyn» iske qosýǵa qaýiptendi.
Osydan keıin KHDR-dyń zymyran áskerleri jańa tıptegi qarýdy synaqtan ótkizdi — Soltústik Koreıa kóshbasshysy Kım Chen Yn jańa qarýdy «jeńilmeıtin kúsh» dep atady.