Segiz saǵat uıyqtap, túni boıy oıanbasańyz da, bir kese kofe sizdi tolyqqandy qalpyna keltirýden aıyra alady. Bul qorytyndyǵa Vroslav medısına ýnıversıtetiniń zertteýshileri keldi, dep habarlaıdy infohub.kz saıty.
ScienceDaily jazýynsha, kópshilik kofe ishkennen keıin tez uıyqtap ketse, sýsyn organızmge áser etpeıdi dep qate oılaıdy. Alaıda arnaıy qurylǵylar kórsetkendeı, kofeınniń áserinen mı tereń uıqy fazasyna jaýap beretin baıaý tolqyndardy azyraq shyǵarady. Nátıjesinde adam tósekte jetkilikti ýaqyt ótkizgenimen, sharshap oıanady.
Qaýiptisi — adamnyń ózi bul máseleni baıqamaýy múmkin. Oǵan túni boıy talmaı uıyqtaǵandaı kórinedi, al mı sergek rejımde jumys istegen. Osydan energıany jańartý jáne kúsh-qýatty qalpyna keltirý prosesteri buzylady. Sonymen qatar sýsynǵa sezimtaldyq árkimde ártúrli — keıbir adamdarda kúndizgi porsıa da túngi tereń uıqy fazasyn buzýy múmkin.
Sóıtip, adam tuıyq sheńberge tap bolady. Túnde tolyqqandy demalmaǵan ol kelesi kúni qaljyrap, qaıtadan kofege qol sozady. Ǵalymdar kofeınniń bir jaqty jaman nemese jaqsy zat emes ekenin, biraq ony qoldanǵanda jeke sezimtaldyqty, táýlik ýaqytyn jáne jalpy stress deńgeıin eskerý qajet ekenin atap ótedi.