InfoHub Logo

Kógildir daqty skat – tutasqanattylar – taqtajelbezekter otrádynyń joǵary tobyna jatatyn balyqtar. Olar – Atlant muhıtynyń ońtústik-shyǵysynda, Ońtústik Afrıka jáne Mozambık sýlarynda tirshilik etedi.
Kógildir daqty skattyń uzyndyǵy 40-70 sm aralyǵynda bolady. Jalpaq tumsyǵy úshburyshty. Denesiniń jartysyn quıryǵy alady. Eseıgen kezderinde denesiniń ústińgi jaǵynda aqshyl-kók daq jáne qara núkteler, quıryǵynda aq jáne qara saqınalar paıda bolady.
Skattyń aýyz qýysynda eki tútigi bolady, sonyń kómegimen asshaıandar men teńiz shaıandaryn  baqalshyqtarynan soryp alady.
Osy bir ashyq tústi skat iriligimen kózge túsedi. Denesiniń ústinde kógildir daqtary bar. Qanattary dóńgelektene kelip, tumsyǵymen jalǵasyp ketken. Quıryǵynyń eki jaǵynda da kók jolaqtary bar. Uzyn quıryǵynyń ústińgi jaǵynda shanyshqy  sıaqty múshesi bolady. Jaýynan qorǵanǵanda osy quıryǵymen uryp saqtanady.

Kógildir daqty skattar toptalyp taıaz, qumdy sýlarǵa mollúskalarmen, qurttarmen, teńiz shaıandarymen qorektenýi úshin qonys aýdaryp turady. Bul skattar 100 metr tereńdikte tirshilik etedi. Olar marjandy rıfterde tirshilik etkendi jaqsy kóredi. 9 aıǵa sozylatyn júktilik kezeńinen keın, 1-5 urpaǵyn ómirge ákeledi.

---