Kókshetaýda polıseıler ınternette áıel esimderimen jasalǵan jalǵan akkaýnttardy paıdalanyp, azamattardy aldaýdyń sqemasyn ashty, dep habarlaıdy infohub.kz saıty.
NUR.KZ agenttiginiń Aqmola oblysy polısıa departamentine silteme jasap habarlaýynsha, kıberqylmysqa qarsy kúres basqarmasynyń qyzmetkerleri qalanyń eki turǵynyn anyqtaǵan. Tergeý nusqasy boıynsha, olar áıel derekterimen akkaýnttar jasap, jelide erlermen tanysqan.
Zardap shekkenderdiń biri — Kókshetaýdyń 34 jastaǵy turǵyny. Ol aǵymdaǵy jyldyń shildesinde belgisiz adamdar Telegram arqyly aldap, oǵan tıesili 28 myń teńgesin ıemdengenin aıtqan.
Hat almasý barysynda áńgimelesýshiler senimge kirip, keıin túrli syltaýlarmen aqsha aýdarýdy suraǵan. Bul rette jeke kezdesýge is jetpegen — aqshany alǵan soń olar baılanysqa shyǵýdy toqtatqan.
Qazirgi tańda alaıaqtyq faktisi boıynsha sotqa deıingi tergeý júrgizilýde. Polıseıler bolǵan oqıǵanyń barlyq mán-jaıyn anyqtap, fıgýranttardyń basqa da osyǵan uqsas epızodtarǵa qatysy bar-joǵyn tekserýde.