Kókshetaýda sıntetıkalyq esirtkini zańsyz satyp alý, saqtaý jáne ótkizý faktisi boıynsha ákesi men qyzyna qatysty úkim shyǵaryldy, dep habarlaıdy infohub.kz saıty.
Tergeý derekteri boıynsha, sáýir aıynda Kókshetaýdyń 20 jastaǵy turǵyny erekshe iri mólsherde psıhotroptyq zatty zańsyz satyp alǵan. Osydan keıin birden qyz nashaqorlyqqa qarsy kúres polıseıleriniń nazaryna ilikken.
Tergeý barysynda onyń ákesiniń de zańsyz áreketke qatysy bar ekeni anyqtaldy. Resmı tabysy joq er adam áleýmettik jelilerden tabys tabý múmkindigi týraly habarlandyrýdy taýyp, esirtki taratýshy (zakladchık) retinde jumys isteýge kelisken.
Onyń áreketi polısıa qyzmetkerlerimen toqtatyldy. Er adam qoldy boldy. Jedel is-sharalar barysynda odan sıntetıkalyq esirtki zaty bar 30 orama tárkilendi.
Qylmystyq isterdi qaraý nátıjesinde sot ákesi men qyzyn kináli dep tanydy. Shilde aıynda alty kún aıyrmashylyqpen aıyptaý úkimderi shyǵaryldy.
20 jastaǵy qyzǵa 4 jyl bas bostandyǵynan aıyrý jazasy taǵaıyndaldy. Alaıda Amnıstıa týraly zańǵa sáıkes merzim qysqartylyp, túpkilikti 2 jyl 8 aıǵa bas bostandyǵynan aıyrý jazasy belgilendi. Onyń ákesine sot 5 jyl 4 aıǵa bas bostandyǵynan aıyrý jazasyn taǵaıyndady. Sonymen qatar, er adamnyń jesir ekenin jáne kámeletke tolmaǵan balasyn jalǵyz ózi tárbıelep otyrǵanyn eskere otyryp, sot jazany úsh jylǵa keıinge qaldyrýdy qoldandy.