Kókshetaýda er adam men qyzdyń arasyndaǵy jol daýy qylmystyq iske ulasty: kúdikti anyqtaldy, dep habarlaıdy infohub.kz saıty.
Aqmola oblysy polısıa departamentiniń baspasóz qyzmeti habarlaǵandaı, oqıǵa 17 qyrkúıekte Aqan seri kóshesindegi úılerdiń biriniń janynda bolǵan. Qyz Lada Vesta kóligin kólik shyǵatyn qaqpanyń aldyna qoıyp, sabaqqa ketken.
Shamamen bir jarym saǵattan keıin oralǵan ol kólik ıesin 40 mınýttaı kútken er adamdy kezdestirgen.
«Olardyń arasynda turaqqa baılanysty janjal týyndady. Er adam kóliktiń esigin tepken, saldarynan qyz basynan jaraqat aldy», — dep habarlady Aqmola oblysy polısıa departamentinde.
Sonymen qatar polısıa dereginshe, qaqpanyń aldynda kólik shyǵatyn aımaq ekenin kórsetetin jol belgileri nemese ózge de kórneki belgiler bolmaǵan.
Aqparat áleýmettik jelilerde taraǵannan keıin polıseıler 1983 jyly týǵan er adamnyń jeke basyn anyqtady. Oǵan qatysty buzaqylyq faktisi boıynsha sotqa deıingi tergeý bastaldy.
Oqıǵanyń mán-jaıy anyqtalýda. Tergeý qorytyndysy boıynsha tıisti prosestik sheshim qabyldanady.