Kókshetaý turǵyndary avtobýssyz qaldy: júrgizýshiler tómen jalaqy men tólemderdiń keshigýine baılanysty reıske shyǵýdan bas tartty, dep habarlaıdy infohub.kz.
«200 myń – bul aılyq pa? Demalysqa shyqsam, osy 200 myńnan taǵy ustaıdy. Bizdiń talabymyz – eńbekaqynyń atqaratyn jumysqa saı bolýy», – deıdi júrgizýshi Esengeldi Qaıyrbekov.
Júrgizýshiler men kondýktorlardyń jalaqysy bir aptaǵa keshiktirilgen. Avtopark basshylyǵy ákimdiktiń sýbsıdıa aýdarýdy kesheýildetkenin aıtady. Dál osy búdjet qarajaty eńbekaqy men salyqtarǵa jumsalady. Kásiporynnyń menshikti tabysy qosalqy bólshekter men dızel otynyna ázer jetedi.
«10-y kúni men saǵat 17-ge deıin sýbsıdıanyń túsýin kúttim, bárine: kútemiz, kútemiz dedim, biraq olar túspedi. Sondyqtan osyndaı shaǵyn emosıonaldy jarylys boldy», – dedi avtobýs parkiniń bas dırektory Oleg Agoev.
Júrgizýshiler men kondýktorlar jumystan bas tartqannan keıin sheneýnikter sol kúni sýbsıdıany aýdarýǵa ýáde berdi. Jalaqyny kóterý máselesi ázirge ashyq kúıde qalyp otyr. Avtopark basshylyǵy qyzmetkerlerdiń talabyn quptaıdy, biraq bári búdjet qarajatyna baılanysty. Ákimdik 21 shildege deıin avtoparkqa kóbirek tóleý múmkindigin zertteýge ýáde berdi.
Buǵan deıin 2024 jyly Temirtaýda osyǵan uqsas jaǵdaı bolǵan edi: qaladaǵy eń iri avtoparktiń júrgizýshileri jol aqysyn elektrondy tóleýge kóshkennen keıin ereýilge shyqty. Olar buryn avtobýstardy janarmaımen toltyratyn qolma-qol aqshadan aıyryldy, al jańa júıe boıynsha jumys istegen alǵashqy kúni túsken tabys nebári 63 myń teńgeni qurady. Qala birneshe kún boıy is júzinde qoǵamdyq kóliksiz qaldy.