Aınalamen tanystyrý
Sabaqtyń taqyryby: Kóktem kelbeti
Sabaqtyń maqsaty: Kóktem mezgiliniń erekshelikterimen tanystyrý. Kóktem mezgili týraly balalarǵa bilim berý. Tabıǵattaǵy qubylystar, ósimdikter men janýarlardaǵy maýsymdyq ózgerister, adamdardyń kóktemdegi paıdaly is – áreketteri týraly áńgimeleý. Tabıǵatty súıýge, odan lázzat alýǵa eńbek súıgishtikke tárbıeleý.
Kórnekilik: Kóktem týraly sýretter jáne úlestirmeli sýretter.
Ádis – tásilder: salystyra sóıletý, áńgimelesý, túsindirý, oıyn, kórnekilik.

Sabaq barysy:
İ. Qyzyǵýshylyǵyn oıatý. Shattyq sheńberi.
Araılap tań atty,
Altyn sáýle taratty.
Jarqyraıdy kúnimiz,
Jarqyraıdy dalamyz.
Qaıyrly tań, apaılar!
Qaıyrly kún, balalar!
– Balalar, jyldyń neshe mezgili bar?
– Men senderge mynadaı jumbaq – óleń joldaryn oqımyn, sender muqıat tyńdap
otyryńdar.
Aq qar erip, sý kóbeıip,
Saı – salaǵa tolady.
Aǵash basy búrshik shashyp,
Gúl, báısheshek tolady.
Bóbekterim aıtyńdarshy.
Bul qaı kezde bolady? – dep oılaısyńdar.

– Nege kóktem dep oılaısyńdar?
– Kóktemde jerde qar erıdi.
– Kóktemde neshe aı bar?
– Kóktemde úsh aı bar: naýryz, sáýir, mamyr.
– Kóktem qaı aıdan bastalady?
– Kóktem mezgiliniń qys mezgilinen qandaı ereksheligi bar?
– Aǵashtar búrshik jarady, qurt – qumyrsqa tiriledi.

İİ. Taqtaǵa kóktem týraly sýret ilip, sol týraly áńgime quratý.
İİİ. Dıdaktıkalyq oıyn: «Joǵalǵan sózder».
Kóktem....
... jylyndy.
Jer....
Qustar.......

Sózderdi býynǵa bólý: kóktem, jyly, qustar, naýryz.

İÝ. Sergitý sáti.
Biz gúldershe ósemiz,
Japyraǵy jaıqalǵan.
Sabaqtary salaly,
Jerge yrǵalyp jaıqalǵan.

Ý. «Jaqsy – jaman» oıyny.
Maqsaty: jaman ádetten aýlaq bolýǵa, kórgenin ajyratyp, áńgimeleı bilýge
úıretý.
Oıyn barysy:
1. Aǵashtyń butaǵyn syndyrý – jaman.
2. Aǵashtaǵy qustyń uıasyn buzý – jaman.
3. Qustarǵa uıa jasaý – jaqsy.
4. Gúlderge sý quıý – jaqsy.
5. Aǵash butaǵyndaǵy qusty rogatkamen atý – jaman.
6. Dalada ósip turǵan gúlderdi julyp, búldirý – jaman.
7. Jaılaýda qoshaqanǵa emizikpen sút berý – jaqsy.

Ýİ. Dıdaktıkalyq oıyn. «Ornyńdy tap».
«Sózdi esińde saqta» oıyny.
Kóktem – jańbyr
Jaz – kún shyqty
Aspan – bult
Jer – shóp
Aǵash – japyraq.

Ý. Sabaqty qorytyndylaý.
Sabaqqa belsene qatysqan balalardy madaqtaý.
«Qýanyshty habarlama jiberý».