Qazaqstannyń Bilim mınıstri Juldyz Súleımenova elimizdegi kolejderde bilim berý baǵdarlamalarynyń halyqaralyq akredıtasıasynyń nátıjeleri týraly málimdedi. Pedagogter men stýdentter baǵdarlamalardyń álemdik standarttarǵa sáıkestigin rastaıtyn sertıfıkattarǵa ıe boldy, dep habarlaıdy infohub.kz saıty.
İs-shara barysynda vedomstvo basshysy 27 kolejde bilim berý baǵdarlamalarynyń halyqaralyq salalyq jáne kásibı talaptarǵa sáıkestigin baǵalaý rásimi júrgizilgenin atap ótti. Akredıtasıa qorytyndysy boıynsha 134 pedagog pen 347 stýdent halyqaralyq sertıfıkat aldy.
«Jyl basynan beri Qytaı, Germanıa, Fransıa, Túrkıa, Ońtústik Koreıa, Fınlándıa, Kanada, Sıngapýr, Italıa, Ulybrıtanıa jáne Shveısarıanyń sheteldik kolejderimen akademıalyq utqyrlyq, halyqaralyq salalyq akredıtasıa jáne basqa da baǵyttar boıynsha 80-ge jýyq memorandým men kelisimge qol qoıyldy», — dep túsindirdi mınıstr.
Jalpy, onyń aıtýynsha, Qazaqstanda 763 kolej jumys isteıdi, onda 556 myń stýdent bilim alady. «Bıyl memlekettik bilim berý tapsyrysy aıasynda kolejderge 133 myń stýdent qabyldaý josparlanýda. Memlekettik bilim berý tapsyrysynyń 70% tehnıkalyq baǵyttar boıynsha kadrlar daıarlaýǵa jumsalady. Kásiporyndardyń ótinimderi negizinde mindetti túrde jumysqa ornalastyrýmen 10 myńnan astam stýdent qabyldaý josparlanýda», — dep qorytyndylady Bilim mınıstrliginiń basshysy.