Kolýmbıada jer silkinisinen qaza tapqandar sany 200-den asty, osyǵan baılanysty el prezıdenti apat rejımin engizý týraly jarlyqqa qol qoıdy, dep habarlaıdy infohub.kz saıty.
Memleket basshysy Abelardo de la Esprıelá joıqyn tabıǵı apattan keıin Kolýmbıada apat rejımin jarıalaıtyn jarlyqqa qol qoıdy, dep habarlaıdy RIA Novostı Tiempo basylymynyń jarıalanymyna silteme jasap.
Eske salaıyq, 10 tamyzda Kolýmbıada magnıtýdasy 7,4 bolatyn kúshti jer silkinisi boldy. Sol kúni keshke 30 adam qaza tapqany habarlanǵan edi. 11 tamyz tańǵy málimet boıynsha, kem degende 132 adam qurban boldy, taǵy 570 adam jaraqat aldy. El úkimeti ulttyq deńgeıde tótenshe jaǵdaı jarıalap, zardap shekken aýdanǵa áskerı qyzmetshilerdi jiberdi.
Sondaı-aq keshe memleket basshysy Qasym-Jomart Toqaev jer silkinisinen kóptegen adam qaza bolýyna baılanysty Kolýmbıa prezıdentine kóńil aıtý jedelhatyn joldady.
Búgin, 12 tamyzda, qaza tapqandar sany 200-den asqany belgili boldy.