Kolýmbıa vıse-prezıdentiniń ulynyń qyzy, jıyrma jastaǵy Hýlıana Avıla Saýda Medelındegi jartylaı marafonǵa qatysqan soń kóz jumdy. Júgirý kezinde onyń júregi úsh ret toqtaǵan, dep habarlaıdy infohub.kz saıty.
Qyz 6 qyrkúıekte qashyqtyqta esinen tanyp qalǵan. Dárigerler úsh ret jan saqtaý sharalaryn jasady, sodan keıin zardap shekken qyz aýrýhanaǵa jetkizildi.
«Hýlıana Avılanyń otbasyna, vıse-prezıdentimizge, onyń uly Hýlıanǵa jáne olardyń barlyq jaqyndaryna osy aýyr ári kútpegen qaza úshin qaıǵyryp kóńil aıtamyn», — dedi el prezıdenti Abelardo de la Esprıelá.
Qaıǵyly oqıǵa 30 myńnan astam adam qatysqan Medelın marafony barysynda boldy. Júgirý kezinde bıomedısınalyq ınjenerıa fakúltetiniń 20 jastaǵy stýdenti Hýlıana Avıla Saýda qashyqtyqta kenetten esinen tanyp qaldy.
Qyzdy Medelınniń bas aýrýhanasyna jedel jatqyzdy. Onda dárigerler júregi toqtaǵan soń ony úsh ret tirilte aldy, alaıda kelesi kúni ol qaıtys boldy. Jergilikti bılik ólimniń naqty sot-medısınalyq sebebi ázirge anyqtalmaǵanyn atap ótti. Bul oqıǵa osy jarystarda sońǵy segiz jylda tirkelgen tórtinshi ólim boldy.