Shved kompozıtory Lúdvıg Ioransson Krıstofer Nolannyń «Odısseıa» fılminiń saýndtregin jazý kezinde dástúrli orkestrden bas tartyp, ejelgi grek aspaptary men qola gongtardy qoldanǵan. Bul týraly infohub.kz habarlady.
Úsh márte «Oskar» syılyǵynyń ıegeri klasıkalyq orkestrden tolyq bas tartyp, qola dáýiriniń atmosferasyn jetkizýdi kózdegen. Variety basylymynyń jazýynsha, qoldanylǵan aspaptardyń ishinde lıra men avlos — qos klarnetti eske túsiretin úrmeli aspap bar. Ioransson avlosty «óz zamanynyń rok-juldyzy» dep ataǵan.
Mýzykanttar dybysty tarıhı úlgiler boıynsha qaıta jańǵyrtqan, sebebi aspaptardyń túpnusqa trostary saqtalmaǵan. Sonymen qatar, jazbada alyp qola gongtar men elektrondy sıntezatorlar paıdalanylǵan. Fılmniń mýzykalyq bezendirilýiniń sońǵy shtrıhy — fınaldyq tıtrlarda oınalatyn «When I'm Home» atty túpnusqa án. Onyń avtorlary — Nolannyń ózi, Ioransson, sondaı-aq mýzykanttar Djeıms Bleık pen Trevıs Skott. Fılmniń IMAX ekrandaryndaǵy kórsetilimi 17 shildede ótti.