Túpqaraǵan aýdany, Baýtın aýyly.
"Aqbota"balabaqshasynyń psıhology
Jıembaeva Aıgerim Abıevna

Trenıń. Kóńil-kúıimizdi jattyqtyrý.

Trenıń maqsaty: Ustazdar qaýymynyń qabiletin, ynta jigerin, qyzyǵýshylyǵyn, shyǵarmashylyǵyn, biliktiligin daǵdylandyrý.
Kórshi jattyǵýy:
Maqsaty: Árbir qatysýshynyń sol toptyń bir múshesi ekendigin sezinýi, bir - birine jylýlyq syılaý.
Nusqaýlyq: Kórshińdi oń jaqtan qushaqta,
Kórshińdi sol jaqtan qushaqta
Oń jaqtaǵy kórshińe bir jymıyp,
Sol jaqtaǵy kórshińe bir jymıyp
Oń jaqtaǵy kórshińe oń kózińdi,
Sol jaqtaǵy kórshińe sol kózińdi qysyp, biz úlken ujymbyz dep barlyǵymyz daýystaıyq.
Kelesi jattyǵýǵa kóshemiz, Búgin men sizderdi akter bolýǵa úıretemin. Men senderge neni kórsetińder desem, sony bet - álpetterińmen beıneleısizder.

Qabaǵy túıilgen, ashýly adamnyń keıipi;
qasqyrdan qoryqqan qoıannyń;
uıadan túsip qalǵan balapannyń;
jylap turǵan adamdy kórsetý;
jáı kúlip turǵan jáne qatty kúlip turǵan adamdy kórsetý;
óleń aıtyp turǵan adamnyń sezimin kórsete bilý.

«Kim ekenin tap» oıyny.
Árbir adam óziniń aty - jónin kórsetpeı, óz ózine psıhologıalyq minezdeme jazady. Óziniń unamdy - unamsyz qasıetterin jazýy kerek. Bul minezdeme jazylǵan betterdi jetekshi jınap aralastyrady da, arasynan bireýin alyp, daýystap oqıdy. Top músheleri minezdemeniń ıesin tabý kerek.

«Aına» jattyǵýy.
Qazir biz birneshe qarapaıym áreketterdi oryndap kóremiz. Al, endi tapsyrmany tyńdaımyz. Tapsyrmanyń sany tórteý. Olar tómendegideı:
Túımeni taǵamyz;
Jolǵa jınalamyz;
Nan pisiremiz;
Sırkte qoıylym kórsetemiz.
Árbir tapsyrma juptasa oryndalýy tıis, ıaǵnı juptaǵy adamdardyń bireýi atalǵan tapsyrmalardyń bireýin jasasa, ekinshi adam ony aınadaǵydaı kórsetýi tıis. Keıin juptaǵy oıynshylar bir - birimen almasady. Biraq aldymen juptasaıyq. Juptar daıyn tapsyrmany oryndaı bastaıyq. Qalǵanymyz kórermen retinde ekeýiniń áreketterin qadaǵalap, seriginiń áreketin qaıtalaǵan adamǵa ártistigi úshin baǵa qoıamyz. Top ártisterdi bes upaılyq júıe boıynsha baǵalaıdy. Keıin barlyq upaılar qosylyp, kimniń áreketterdi neǵurlym sátti oryndaǵany anyqtalady.