Sabaqtyń taqyryby: Kóńildi dybystar
Sabaqtyń maqsaty: oqýshy mýzykany súıýge, ár mýzykalyq shyǵarmany túsine tyńdap oryndaýǵa, ónerli tulǵa bolýǵa qulshyndyrý.
Sabaqtyń mindeti: mýzykalyq qabiletin damytyp, mýzykalyq - estetıkalyq qabiletin ashý, estý, este saqtaý, seziný qabiletterin óz bilimderin tereńdetý úshin qoldanýǵa mashyqtandyrý.
Sabaqtyń túri: jańa sabaq.
Sabaqtyń ádisi: daýys ashý, án aıtý, mýzyka tyńdaý, áńgimeleý, suraq - jaýap.

Sabaqtyń barysy:
Daýys jattyǵýy: (Demdi durys ala otyryp, daýys jattyǵýyn jasaý ).
Uıymdastyrý kezeńi:
Suraqtar:
- Keshegi sabaqta biz Tabıǵatpen úndesken aspaptar týraly ótkenbiz.
Tembr - degenimiz ne?
Mýzykalyq aspaptar da óz dybys tembrine qalaı jikteledi?
Aspaptardyń qaısysynan bir - birine uqsas ún estısiń?

Jańa sabaq:
Mýzyka áleminde kóńildi dybystar kóp kezdesedi. Kóńildi dybystar bizge shattyqqa toly kóńil kúı syılaıdy. Kóńildi áýen tyńdaǵanda kóterińki kóńilde bolamyz. Shalqyp án salyp, bı bılegimiz keledi. Mýzykalyq dybystarǵa – án, áýen, mýzykalyq aspaptardyń dybysy, kúıler jatady. Kóńil kúı degenimiz túrli sezim – qýanysh, muń, tamashalaý, tamsaný, kóńildi, kóńilsiz sátterimiz. Al mýzykalyq kóńil kúı – osy sezimderdiń mýzykada beınelenýi. Mýzykanyń kómegimen án, jyr, kúıler men bıdiń túrli kóńil kúıin bilýge bolady. Mýzykanyń mol múmkindiginiń arqasynda biz ásem tabıǵat pen adamdardyń, qustar men jan - janýarlardyń kóńil kúıin, kóńildi - kóńilsiz dybystar ajyrata alamyz.
Mýzykalyq saýat:
Bıik Tómen
Mýzykada bıik, tómen dybystar bar. Bıik dybystar – jińishke, tómen dybystar – jýan estiledi.

Dáptermen jumys:
Jańa taqyrypty jáne ánniń sózin umytyp qalmaý úshin dápterge jazý.

Án úırený: Án úırený barysynda daýys boıaýyna (tembr), dybys bıiktiginiń taza oryndalýyna nazar aýdarylady.

Mýzyka tyńdaý:
Sergitý sáti: Qımyldy jattyǵý.
Meniń elim – Qazaqstan (qoldy júrektiń tusyna qoıyp, alǵa sozyp, shapalaqtaý).
Meniń Respýblıkam – Qazaqstan (qoldy júrektiń tusyna qoıyp, joǵary sozyp, shapalaqtaý).

Sabaqty qorytyndylaý:
Kóńildi dybystar degenimiz ne?
Kóńil kúı degenimiz ne?
Bıik, tómen dybystar qalaı oryndalady?

Úıge tapsyrma berý:
«Kóńildi kún» ánin jattaý. «Týǵan jer» taqyrybyna sýret salý.