Mıym, nege ashısyń?
Oı túbine jete almaı,
Júrekti tyrnap qasısyń.
Kózim, nege talasyń?
Úmitsiz qarap barasyń.
Tútiniń joq, otyń joq,
Tunshyǵyp keýdem janasyń.
Iyǵym nege basyńqy?
Túsim nege qashyńqy?
Ózimnen-ózim salbyrap,
Etek-jeńim shashyńqy.
Jaý talaǵan oıyńdy,
Kótermeısiń boıyńdy.
Turmystyń uzyn quryǵy
Burdy ma túsip moıyndy.
Beıhabar jatyr ata-anam,
Kóre almaı kózim qala ma?
Barǵanyń sálem degeısiń,
Qaraly bolǵan anama.
On toǵyzda jasyma,
Qasiret tústi basyma.
Kóre almaı qalsaq armanda,
Ýaıymdap bizdi jasyma.