Qazaqstannyń Konstıtýsıalyq soty bankrottyq rásimin júrgizý jáne bankrotty taratýdy aıaqtaý merzimderin retteıtin «Ońaltý jáne bankrottyq týraly» zańnyń jekelegen normalarynyń zańdylyǵyn daýlaǵan azamattyń ótinishin qarady, dep habarlaıdy infohub.kz saıty.
Sottyń baspasóz qyzmeti túsindirgendeı, ótinish berýshi daýlanǵan normalar zańda belgilengen bes jyldyq merzim ótkennen keıin de bankrottyq rásimin jalǵastyrýǵa jol beretinin jáne bul onyń konstıtýsıalyq quqyqtaryn buzatynyn alǵa tartqan.
«Ótinish berýshi daýlanǵan normalar zańda belgilengen bes jyldyq merzim ótkennen keıin de bankrottyq rásimin jalǵastyrýǵa jol berip, onyń konstıtýsıalyq quqyqtaryn buzady dep eseptedi», — delingen habarlamada.
Konstıtýsıalyq sot zańnyń 84-babynyń 1-tarmaǵy ótinish berýshiniń isinde sottarmen qoldanylmaǵanyn anyqtady. «Alaıda azamattyń ótinishin konstıtýsıalyq tekserýge jiberýdiń qajetti sharty — daýlanǵan normanyń sot tarapynan ótinish berýshiniń quqyqtary men bostandyqtaryna tikeleı qatysty naqty iste qoldanylýy. Zańnyń 112-babynyń 1-tarmaǵyna qatysty ótinish berýshi onyń Konstıtýsıaǵa sáıkes kelmeıtinine jetkilikti quqyqtyq negizdeme keltirmegen», — dep naqtylady sotta.
Zańda belgilengen jiberý sharttary bolmaǵandyqtan, ótinish konstıtýsıalyq is júrgizýge qabyldanbady.