2026 jylǵy Qysqy Olımpıada oıyndarynda altynnan alqa taqqan qazaqstandyq mánerlep syrǵanaýshy Mıhaıl Shaıdorovtyń ónerine eki dúrkin álem chempıony Maksım Stavıskı baǵa berdi. Kópshilik bul jetistikke onsha senbegenimen, Stavıskı sportshynyń sheshýshi sáttegi tehnıkasyn joǵary baǵalady.
Bul týraly Infohub.kz aqparat agenttigi habarlaıdy.
Shaıdorovtyń Olımpıadadaǵy altyny
Sportshynyń aıtýynsha, Mıhaıl Shaıdorovtyń syrǵanaý tehnıkasy minsiz bolmasa da, Olımpıadadaǵy erkin baǵdarlamasynda sekirý elementterin joǵary deńgeıde oryndaýy oǵan altyn medal alyp berdi. Stavıskıdiń aıtýynsha, Shaıdorovtan basqa eshkim mundaı deńgeıde sekire almaǵan.
Sportshynyń tehnıkasy men Olımpıada qysymy
«Syrǵanaý tehnıkasy jaǵynan ol sál álsizdeý. Biraq Mıhaılden basqa eshkim sekirý elementterin altynǵa jeterlik deńgeıde oryndaı almady. Óte ókinishti, sebebi Adam, Malının men Kagıamanyń óneri erekshe unaıdy. Alaıda Olımpıadada kúızelis pen moraldyq qysym qatty áser etedi», — dedi Maksım Stavıskı Metaratings.ru saıtyna bergen suqbatynda.