Qyrǵyzstanda Ystyqkólge jaqyn Qyrshyn shatqalynda Dúnıejúzilik kóshpendiler oıyndaryna orasan zor «Kóshpendiler álemi» etnoqalashyǵy turǵyzyldy. Bul jerdiń aýqymy men atmosferasy áleýmettik jeli qoldanýshylarynyń súısinisin týdyrdy, dep habarlaıdy infohub.kz.
Oıyndar ótetin kezeńde Qyrshynda alyp kıiz úı qalashyǵy, sondaı-aq qorǵan qabyrǵalary men kúzet munaralary bar eki qamal uıymdastyryldy. Dál osy jerde mádenı baǵdarlama men sporttyq jarystardyń basym bóligi ótýde. Tek 2 qyrkúıekte bul jerge 10 myńǵa jýyq adam keldi.
Etnoqalashyqtyń saýda qatarlarynan qolóner buıymdaryn satyp alyp, ulttyq taǵamdardan dám tatýǵa bolady. Áýeden túsirilgen vıdeo 70 myń laık jınady.
Qalashyqtan jarıalanǵan beınejazbalar kórermendi baýrap alatyn atmosferany kórsetedi: ulttyq kıimdegi ártister, halyq aspaptarynyń úni. Pikirlerde qoldanýshylar ártúrli tilde oıyndardyń aýqymyna tánti bolyp, mundaı joǵary deńgeıdegi uıymdastyrý bolashaqta da saqtalady degen úmit bildirýde.
«Semenov shatqalynyń keremet ózgerisi», «Men áli ashylý saltanatynan aýzym ashylyp jatyrmyn, al mine taǵy bir ǵajaıyp», — dep jazady qoldanýshylar.
Degenmen, qyrǵyzstandyq BAQ keıbir kemshilikterdi de atap ótýde. Shatqalǵa jeke kólikpen kirýge tyıym salynǵan, al barlyq qalaýshylarǵa shattl-avtobýstar jetispeıdi. Sonymen qatar, tamasha ashylý saltanatynan keıin kóptegen qyrǵyzstandyqtar bıliktiń usynysyna qulaq asyp, SHYU ótetin ýaqytta qalany tastap ketkenderine ókinish bildirdi.