Aqmola oblysynda polısıa Kosshy qalasyndaǵy kásiporyndardyń birinen 25 mıllıon teńgege jýyq qarajattyń jymqyrylýyn tergep jatyr, dep habarlaıdy infohub.kz.
Óńirlik polısıa departamentiniń habarlaýynsha, aqsha JSHS-tiń esepshotynan 2023-2025 jyldar aralyǵynda joǵalyp ketken. Tergeý nusqasy boıynsha, qarajat jymqyrylyp, úshinshi tarap uıymynyń shotyna aýdarylǵan.
Polısıa qylmystyq is qozǵady. Qazir tergeýshiler kásiporynnyń qarjylyq qujattaryn, aqsha qozǵalysyn zerdelep, qajetti sot saraptamalaryn taǵaıyndady.
«İs boıynsha birneshe adam anyqtaldy, olardyń jasalǵan qylmysqa qatystylyǵy sotqa deıingi tergeý barysynda tekserilýde», — dep habarlady polısıadan.
Vedomstvo oqıǵanyń barlyq mán-jaıyn anyqtaýǵa nıetti ekenin málimdedi.